Ayrim jahon yulduzlari o‘z farzandlari bilan birinchi marta uyda ko‘rishgan. Ular tug‘ruqxonaga bormay, farzandini uyda dunyoga keltirishni afzal ko‘rgan.
Eshli Grem
Model Eshli Grem ko‘p farzandli onalar qatoridan joy olgan. U suratkash Jastin Ervin bilan egizaklarning ota-onasi hamda katta o‘g‘li Isaakni ham tarbiyalaydi. Model ilk farzandini o‘z uyida dunyoga keltirgan, shundan so‘ng ikkinchi farzandida ham qarorini o‘zgartirmadi. Eshlining birinchi tug‘rug‘i olti soat davom etgan. Biroq model shunda ham ushbu qiyin jarayonni uyda takrorlashini aytib o‘tgan.
Sindi Krouford
Ushbu qahramon ham deyarli hamma narsada tabiiylikni qo‘llab-quvvatlaydi: Sindi uzoq vaqtdan beri to‘g‘ri ovqatlanish va sog‘lom turmush tarzini tanlaydi, u hatto kundalik hayotda kosmetikadan ham kam foydalanadi. Model bolalarni uyda, eng tabiiy sharoitda tug‘ishni tanlagani ham ajablanarli emas. U o‘g‘li Presli va qizi Kayani o‘z uyida dunyoga keltirgan.
Demi Mur
Demining aktyor Bryus Uillisdan uchta qizi bor: Rumer, Skaut va Tallula. Ularning barchasi uyda tug‘ilgan: homilador aktrisaning yonida nafaqat doyalar, balki chaqaloqning dunyoga kelishini tasvirga olgan operatorlar ham bor edi.
Hilari Daff
2021-yil mart oyida aktrisa uchinchi marta ona bo‘ldi va uning o‘zi bu haqda so‘zlab berdi. Turmush o‘rtog‘i Mettyu Koma har doim yulduzning yonida bo‘lgan. Aktrisa ikkinchi farzandini uyida dunyoga keltirgan va oila a’zolari darhol yangi mehmon bilan tanishgan.
Pamela Anderson
“Malibu qutqaruvchilari” yulduzi eng yaxshi klinikalarda ham tug‘ishi mumkin edi, ammo u ham boshqa qahramonlari singari uy sharoitida ona bo‘lishni xohladi. Pamela ikki o‘g‘lini uyida tug‘di va ularning otasi Tommi Li rafiqasining yonida bo‘ldi.
Meril Strip
“Qattiqqo‘l xonim” yulduzining uch qizi va bir o‘g‘li bor, lekin aktrisa faqat bir qizini uyda dunyoga keltirdi. Bunday qarorning sababini taxmin qilish mumkin: Meril 1978-yilda Don Gammer bilan turmush qurgan va deyarli hech qachon shaxsiy hayoti haqida gapirmaydi.
Mavzuga doir:
- Yoshi ellikdan oshganiga ishonish qiyin bo‘lgan mashhur ayollar: Ularning go‘zalligi siri nimada?
- Olmaning tagiga doim ham olma tushmaydi: mashhur ota-onasiga umuman o‘xshamaydigan farzandlar (foto)
- Ayrim narsalar hech qachon o‘zgarmaydi: mashhurlarning opa-ukalari bilan tushgan suratlari
- Gollivudning nafaqat iste’dodi, balki ajoyib insoniy fazilatlari bilan ham ajralib turadigan aktrisalari (foto)
Izoh (0)