Istanbul xalqaro aeroporti faoliyati to‘liq to‘xtatilgani sababli Uzbekistan Airways’ning 26-yanvar kuni uchishi rejalashtirilgan reyslari bekor qilindi. Bu haqda aviakompaniya matbuot xizmati xabar berdi.
Ma’lum qilinishicha, Istanbul xalqaro aeroportida noqulay ob-havo (kuchli qor, ko‘rishning yetarli darajada emasligi) sharoiti tufayli faqat 26-yanvar kungi HY-271/272 Toshkent—Istanbul—Toshkent hamda HY 277/278 Istanbul—Farg‘ona—Istanbul yo‘nalishi bo‘yicha reyslari bekor qilingan.
“Bekor qilingan parvozlar yo‘lovchilari chiptaning to‘liq qiymatini sotib olingan joyga qaytarish yoki 27-yanvar kuni parvozlar qayta tiklanganidan keyin har qanday kunga bepul ko‘chirish huquqiga ega”, — deyiladi xabarda.
Eslatib o‘tamiz, Istanbul xalqaro aeroportida noqulay ob-havo sharoiti (kuchli qor, ko‘rishning yetarli darajada emasligi) tufayli 25-yanvar kuni soat 07:40 da Toshkentdan Istanbulga uchishi kerak bo‘lgan HY-271 reysi 13:00 ga, Istanbul—Toshkent yo‘nalishi bo‘yicha uchishi kerak bo‘lgan HY-072 reys esa Istanbul vaqti bilan soat 12:30 dan 17:50 ga ko‘chirilgandi. Keyinroq Toshkent va Istanbul o‘rtasidagi aviaparvozlar kuchli qor sabab bekor qilindi.
Mavzuga doir: Tuman sababli Toshkent aeroportining faoliyati cheklandi
Izoh (0)