Rossiyaning COVID-19 ga qarshi kurash bo‘yicha federal tezkor shtabi ma’lumotlariga ko‘ra, o‘tgan bir kecha-kunduzda mamlakatda yana 74 692 kishida koronavirus aniqlandi. Bu pandemiya boshlanganidan beri eng yuqori ko‘rsatkich bo‘lib, avvalgi antirekord bir kun avval qayd etilgandi — 67 809 kishi (kunlik o‘sish 6,9 ming kishi yoki 10,1 foiz).
COVID-19 ga chalinish holatlarining aksariyati odatdagidek, Moskvada aniqlangan — 19 856 kishi, u yerda bir kun oldin 18 935 kishida infeksiya tasdiqlangandi (+ 9,8 foiz). Sankt-Peterburgda birinchi marta kunlik kasallanishlar soni 10 000 dan oshib ketdi — 10 581 kishi, bir kun oldin 9 722 kishi edi (+ 8,8 foiz).
Bundan tashqari, quyidagi hududlar kasallanish ko‘rsatkichi bo‘yicha yetakchi hisoblanadi:
- Moskva viloyati — 6709 kishi;
- Yakutiya — 1710;
- Nijiygorod viloyati — 1511;
- Sverdlovsk viloyati — 1364;
- Perm o‘lkasi — 1356;
- Samara viloyati — 1205;
- Xanti-Mansi avtonom okrugi — 1113;
- Rostov viloyati – 1029 kishi.
O‘tgan sutkada mamlakatda 657 kishi infeksiya oqibatida vafot etgan.
Rossiyada koronavirus bilan kunlik kasallanishlar soni 24-yanvar holatiga 65 109 kishini, 23-yanvar holatiga 63 205 kishini, 22-yanvar holatiga 57 212 kishini tashkil etib, mamlakatda har kuni COVID-rekordlar o‘rnatilmoqda.
Mavzuga doir:
Izoh (0)