Checheniston har yili federal budjetdan 300 milliard rublga (3,8 milliard dollar) yaqin dotatsiya (davlat tomonidan beriladigan yordam puli) oladi. Bu kabi raqamlarni respublika rahbari Ramzan Qodirov keltirib o‘tgan, deb xabar beradi “RIA Novosti”.
Qodirovning so‘zlariga ko‘ra, ushbu yordamsiz respublika “bir oy ham yashay olmaydi”. Checheniston rahbari, shuningdek, u yerda pul ishlash mumkin bo‘lgan tabiiy resurslar yo‘qligini ma’lum qilgan.
“Hamma bizda neft borligi haqida gapiradi. Iltimos, istalgan kimnidir olib keling, biz neftni qayta ishlash zavodlarini qurishga tayyormiz. Biz sizga istalgan hududni beramiz, neft qazib olish imkoniyatini taqdim etamiz. Bularning hech biri yo‘q. Gazimiz ham, svetimiz ham, neftimiz ham yo‘q — bularning barchasi biz biror narsa haqida o‘ylashimiz uchun o‘ylab topilgan narsalar”, — deydi Checheniston yetakchisi.
Qodirovning so‘zlariga ko‘ra, yetti yil davomida u mintaqada neftni qazib olish bo‘yicha investorlarni topishga uringan, ammo buni uddalay olmagan.
Izoh (0)