Fransiya chempionatining 22-turidan o‘rin olgan o‘yinda “PSJ” o‘z maydonida “Reyms”ni mag‘lub etdi (4:0).
Parijliklar hujumchisi Lionel Messi uchrashuvning 63-daqiqasida zaxiradan maydonga tushdi, ammo samarali harakatni amalga oshira olmadi.
Argentinalik futbolchi Liga 1 ning 2021/22-yilgi mavsumida 12 ta o‘yin o‘tkazib, atigi bitta golga mualliflik qildi. Hujumchining chempionat doirasidagi golsiz seriyasi esa 6 o‘yinni tashkil etmoqda.
Shu tariqa 34 yoshli Messi mavsumning ushbu bosqichida milliy chempionat o‘yinlarida urilgan gollar soni bo‘yicha faoliyatidagi eng yomon natijani qayd etdi.
Ma’lumot uchun, Messi 2021-yilning yozida erkin agent sifatida “Barselona”dan “PSJ”ga o‘tdi va 2023-yilning yozigacha mo‘ljallangan shartnomaga imzo chekdi. U Liga 1 da 1 ta goldan tashqari, 5 ta golli uzatmani ham amalga oshirgan. Chempionlar Ligasida esa o‘z nomiga 5 ta gol yozdirib qo‘ygan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)