Xalq deputatlari Bag‘dod tumani kengashining 24-yanvar kuni bo‘lib o‘tgan navbatdan tashqari sessiyasida Yusufjon Xusainov Bag‘dod tumani hokimi etib tayinlandi. Bu haqda Farg‘ona viloyati hokimligi matbuot xizmati xabar berdi.
Qayd etilishicha, viloyat hokimi Xayrullo Bozorov tomonidan taqdim etilgan Yusufjon Xusainov nomzodi Bag‘dod tuman kengashi deputatlari tomonidan bir ovozdan qo‘llab-quvvatlandi va u tuman hokimi etib tasdiqlandi
2021-yil fevralidan beri tuman hokimi vazifasida ishlab kelgan Vosiljon Nazarov esa boshqa lavozimga tayinlangani munosabati bilan lavozimidan ozod etilgan.
“Hokimlik og‘ir ish, tumandagi iqtisodiyotdan tortib ijtimoiy sohasigacha javob berish kerak. Bag‘dodda Vosiljon Nazarov harakatchanligi, topshiriqlarni tushunib ishlagani e’tirofga loyiq”,— degan viloyat hokimi Xayrullo Bozorov.
Yusufjon Xusainov 1983-yilda Toshloq tumanida tug‘ilgan. 2004-yil Toshkent davlat iqtisodiyot universitetini tamomlagan. 2005-yildan iqtisodiyot tizimida mehnat qilib keladi. 2020-yildan buyon viloyat iqtisodiy taraqqiyot va kambag‘allikni qisqartirish bosh boshqarmasi boshlig‘ining birinchi o‘rinbosari vazifasida faoliyat yuritib kelayotgandi.
Mavzuga doir: Yunusobod tumaniga yangi hokim tayinlandi
Izoh (0)