Keniyada Samburu provinsiyasidagi qo‘riqxonada egizak fillar dunyoga keldi, deya xabar bermoqda Reuters.
O‘g‘il va qiz egizak fillarni dam olish kunlarida safaridagi qo‘riqxonada yurgan gidlar payqab qoldi. Bu Save the Elephants mahalliy tabiatni asrash tashkiloti faoliyati davomida duch kelgan ikkinchi egizak fillar.
Xayriya tashkiloti ma’lumotlariga ko‘ra egizak fillarning tug‘ilishi bo‘yicha so‘nggi mashhur holat 2006-yilda kuzatilgan. Yangi tug‘ilgan fillarning faqat 1 foizigina egizak bo‘lishi mumkin. Shu sababli Keniyadagi kabi holat o‘ta kam uchraydi.
Save the Elephants xayriya tashkiloti asoschisi Ien Duglas-Gamilton hozir yangi tug‘ilgan fillar uchun og‘ir ekani sababi 15 yil oldin tug‘ilgan egizaklar ham uzoq yashamaganini qayd etgan. Ko‘pincha chaqaloq fillarni boqish uchun sut yetishmaydi.
Qayd etilishicha, Afrika fillari sut emizuvchilar orasida eng uzoq vaqt homiladorlik davrini o‘tkazadigan hayvonlar. Fillar farzandlarini qariyb 22 oy qornida ko‘tarib yuradi va to‘rt yilda bir marta ko‘payadi.
Fil suyagi savdosi va fillar uchun zarur tabiiy sharoitlarning yo‘qolib borishi, mazkur ulkan hayvonlarni Xalqaro tabiatni muhofaza qilish ittifoqining qizil ro‘yxatiga kiritishga olib keldi. Biroq Keniya turizm vazirligi 2020-yilda brakonyerlik faoliyatiga ayovsiz kurash olib borilganidan keyin mamlakatda fillar soni ko‘payganini bildirgan ya’ni 1989-yilda 16 mingta fil hayot kechirgan bo‘lsa, 2018-yilda ular qariyb ikki baravar ko‘payib 34 mingtaga yetgan.
Izoh (0)