Ijtimoiy tarmoqlarda “Sevimli” telekanalida efirga uzatilayotgan “Sabriya” serialidagi axloqsiz sahna aks etgan kadr tarqalgani, AOKA holat nazoratga olinib, tekshiruv ishlari boshlanganini ma’lum qilgandi. Keyinroq O‘zbekiston Kinematografiya agentligi bosh direktori Firdavs Abduxoliqov (“Sevimli” telekanali rahbari Amira Rashidovaning otasi) xususiy telekanallarda efirga uzatilayotgan milliy seriallar bo‘yicha izoh berdi. Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov Abduxoliqovning izohiga munosabat bildirib, bu kabi masalalarni “uyda kelishib olish” kerakligini kinoya qilgan.
Firdavs Abduxoliqov “Sevimli” kanalida efirga uzatilgan “Sabriya” seriali haqiqatan ham badiiy va mazmunan sayoz, telekanal ta’sischilari va ijodiy jamoasi buni, albatta, inobatga olib, zarur tashkiliy chora-tadbirlarni ko‘rishi darkor deb, munosabat bildiribdi.Kinematografiya agentligi axborot xizmati rahbari Nozim Safarovning “Daryo”ga izoh berishicha, so‘nggi paytlarda ijtimoiy tarmoqlarda keng muhokama qilinayotgan “Sabriya”, “Daydi qizning daftari” va boshqa seriallar Kinematografiya agentligi buyurtmasiga binoan suratga olinmagan. Ushbu seriallar xususiy studiyalar tomonidan suratga olingan.Shu masalani uyda kelishib olsangiz bo‘lmaydimi? “Qalampir.uz”ning yozishicha, “Sevimli” kanali qizingiz va o‘g‘lingizga ham tegishli, seriallarning davlat mablag‘lari evaziga asosiy buyurtmachisi esa o‘zingiz, kinolar sifatiga ham asosiy mas’ul o‘zingiz bo‘lsangiz.
Komil Allamjonov, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi
“Agentlik badiiy kengashi davlat buyurtmasiga binoan suratga olingan filmlarni hamda kinoteatrlarda namoyish uchun ruxsat so‘rab murojaat qilgan mahsulotlarnigina ko‘rib chiqish vakolatiga ega. Yuqoridagi aytilgan seriallarni Kinematografiya agentligiga aloqasi yo‘q”, – deydi Safarov.
Ma’lumot uchun, “Sevimli” telekanali 2017-yil 1-aprel kuni “Karavan” nomi bilan o‘z faoliyatini boshlagan butun oila uchun mo‘ljallangan nodavlat musiqiy-ko‘ngilochar va ma’rifiy televizion kanal hisoblanadi. Wikipedia ma’lumotlariga ko‘ra, telekanal Firdavs Abduxoliqovga tegishli, hozirda unga Amira Rashidova — Abduxoliqovning qizi rahbarlik qilmoqda.
Avvalroq Saida Mirziyoyeva ham ushbu serialni tanqid qilib, badiiy kengashlar va mutasaddi tashkilotlarni bu kabi kontentga qonun va etika nuqtayi nazaridan xulosa berishga chaqirgandi. 20-yanvar kuni “Sevimli” telekanali ta’sischilarining umumiy yig‘ilishida telekanal bosh direktori va bosh muharriri vazifasidan ozod etilgan.
Izoh (0)