Saudiya Arabistoni shimolida havo harorati keskin tushib ketib, Selsiy bo‘yicha 6 daraja sovuqni tashkil etmoqda. Mamlakatning ayrim hududlariga qor yog‘gan. Bu haqda Saudiya Arabistoni Milliy meteoroligiya markaziga tayanib, “TASS” xabar berdi.
Sinoptiklarning ma’lum qilishicha, mamlakat shimolidagi anomal havo harorati hafta oxirigacha saqlanib qoladi.
Eslatib o‘tamiz, yanvar boshlarida Saudiya Arabistonining shimoli-g‘arbiy qismidagi Tabuk viloyatida qor yog‘ib, Jabal Lauz tog‘ining yuqori qismini qoplagandi. Shuningdek, Saudiya Arabistonida qor 2021-yilda ham yog‘gan. Yanvar oxirida Marokash va Jazoirda, fevral oxirida esa 50 yildan buyon ilk bor Tabukda ham qor yog‘ishi kuzatilgan. Bunga qadar mamlakatda kuchli qor 2018-yilda yog‘gan. Unda mahalliy aholi va turistlar qor o‘ylab, chana uchgan.
Avvalroq Bloomberg dunyodagi eng yirik neft yetkazib beruvchilardan biri hisoblangan Kuvayt global isish va hukumatining zararli gazlar chiqarishni qisqartirishni istamayotgani bois yashash uchun yaroqsiz holga kelib qolayotgani haqida yozgandi.
Izoh (0)