2024-yilda O‘zbekistonda 200 ming so‘mlik kupyurani muomalaga chiqarish rejalashtirilgan — Markaziy bank

2024-yilda O‘zbekistonda 200 ming so‘mlik kupyurani muomalaga chiqarish rejalashtirilgan. Bu haqda Markaziy bank raisi Mamarizo Nurmurodov ishtirokida o‘tkazilgan matbuot anjumanida aytildi, deya xabar bermoqda “Daryo” muxbiri.

“Yaxshi himoyalangan bir tizim orqali ikkinchi seriyasini chiqarishni boshladik. Pul-kredit naqd pul bu qonuniyatlar mamlakatda shakllangan o‘rtacha ish haqidan kelib chiqib banklarni bank notalari strukturasini belgilanadi. Biz 2024-yilda 200 ming so‘mlik chiqarishni rejalashtirganmiz. Shu bilan birga, muomaladagi naqd pulni optimallashtirish jarayonini ham amalga oshiryapmiz”, — deydi Mamarizo Nurmurodov.

U birinchi marta 2017-yilda 50 ming so‘mlik chiqarilganini eslab o‘tib, o‘sha vaqtda muomaladagi naqd pullar soni don boshiga, ya’ni har bir shaxs qo‘lida 489 dona naqd pul bor ekanligini eslab o‘tdi.

“Bugungi kunga kelib. Bu ikki barobarga tushdi. Maqsadimiz bank notalari strukturasini o‘zgartirib naqd pulni odamlar uchun qulay to‘lov vositasiga aylantirish”, — deya qo‘shimcha qiladi u.