FIFA 2022-yilgi Jahon Chempionati uchun chiptalar sotuvining birinchi bosqichini e’lon qildi.
FIFAning rasmiy saytida chiptalar uchun ariza berish 8-fevralga qadar davom etadi, muxlislar chipta xaridi uchun qaysi kuni ariza topshirishining ahamiyati yo‘q. Agar arizalar soni mavjud o‘rinlar sonidan oshib ketsa, qur’a tashlash orqali chipta egasi aniqlanadi.
Chiptalar 4 toifaga bo‘lingan: bitta o‘yin uchun, alohida jamoalar o‘yini uchun, 4 ta turli stadionlardagi o‘yinlar uchun va imkoniyati cheklangan shaxslar uchun.
Chet ellik muxlislar uchun guruh bosqichi o‘yinlari chiptasi 250 dan 800 Qatar rialini (69 dollardan 220 dollargacha yoki 745 872 so‘mdan 2 378 142 so‘mgacha) tashkil etadi. Mahalliy muxlislar uchun — 40 rial (11 dollar yoki 118 907 so‘m). Final o‘yini mahalliy muxlislar uchun 750 rial (206 dollar yoki 2 226 806 so‘m), chet ellik muxlislar uchun esa chipta narxi — 2200 dan 5850 rialga qadar (604 dollardan 1600 dollargacha yoki 6 529 082 so‘mdan 17 295 584 so‘mgacha).
Chiptalar sotuvining ikkinchi bosqichi 1-aprelda o‘tkaziladigan Jahon Chempionati qur’asidan avval bo‘lib o‘tishi rejalashtirilgan. Muxlislar chiptalarni jonli navbat orqali sotib olish imkoniga ham ega bo‘ladi. Sotuvning keyingi bosqichlari esa qur’adan so‘ng bo‘lib o‘tadi.
Izoh (0)