O‘zbekiston 2021-yilning birinchi choragida global COVAX mexanizmi doirasida koronavirusga qarshi 11 million dozadan ortiq vaksinani beg‘araz tarzda qabul qilib olishi kerak, deb xabar qilmoqda “Gazeta.uz”.
“Biz mazkur mexanizm doirasida O‘zbekistonga yetkazib berilgan vaksinalar 10 million dozadan ortiqni tashkil etganining guvohiga aylanib turganimizdan mamnunmiz”, — degan u. O‘zbekiston AstraZeneca, Moderna, Pfizer/BioNTech va Sinovac vaksinalarini COVAX platformasi orqali qabul qilgan.
“YUNISЕF O‘zbekiston hukumatiga COVID-19 ga qarshi vaksinalarni yetkazib berishda ko‘maklashishda davom etadi”, — degan jamg‘arma vakili.
“YUNISЕF ta’minot va logistika jarayonini boshqaradigan COVAX mexanizmi orqali dunyoning 144 mamlakat va hududiga 1 milliard dozadan ortiq koronavirusga qarshi vaksina yetkazib berildi”, — deya qo‘shimcha qilgan Munir Mamedzade.
Uning ta’kidlashicha, “vaksinalar samara beradi, kasallik og‘ir o‘tishining oldini oladi, odamlar hayotini saqlab qoladi. Ayniqsa, o‘z vaqtida emlanish va mamlakatda omikron shtammining tez tarqalishini hisobga olgan holda profilaktika chorasi sifatida sanitariya qoidalariga rioya qilish juda muhim hisoblanadi”.
Birinchi chorakda COVAX bo‘yicha — Pfizer/BioNTech va Moderna vaksinalari yetkazib beriladi.
Izoh (0)