17-yanvar kuni O‘zbekistonda xizmat ko‘rsatgan jurnalist, “Mehnat shuhrati” ordeni sohibi Dilbar Mahmudova 85 yoshda vafot etdi. Bu haqda kinojurnalist Shohira Hamro Facebook’dagi sahifasida ma’lum qildi.
Dilbar Mahmudova 1936-yil 8-aprelda Toshkentda tug‘ilgan. 1959-yili O‘rta Osiyo davlat universiteti (hozirgi O‘zMU)ni tamomlagan. Respublika matbuotida uning 300 dan ortiq publitsistik maqolasi e’lon qilingan.
Dilbar Mahmudovaning ilk kitobi “Yarim asr yonma-yon” nomi bilan chop etilgan. Shundan so‘ng uning “Har maktubda umr lahzasi”, “Halima”, “Hayotdan keyingi hayot”, “Mo‘yqalamda yozilgan roman”, “Sinmagan Surxon qizi”, “Mehr quyoshi”, “Osmonmisiz, quyoshmisiz yo oymisiz, buvijon!” kitoblari nashr qilingan.
Turmush o‘rtog‘i Tilab Mahmud bilan hammualliflikda “Umr shomidagi baxt”, “Tortadirman jabrini”, “Omonat dunyo” nomli pyesalar yozgan. Mazkur asarlar O‘zbek Milliy akademik drama teatrida sahnalashtirilgan.
Eslatib o‘tamiz, 2-yanvar kuni O‘zbekistonda xizmat ko‘rsatgan jurnalist Rustam Obidov 72 yoshida vafot etgandi.
Izoh (0)