O‘zbekistonning qaysi viloyatida doimiy aholi soni eng ko‘pligi ma’lum qilindi

Davlat statistika qo‘mitasi O‘zbekiston hududlarining 2022-yil 1-yanvar holatiga ko‘ra doimiy aholisi sonini ma’lum qildi.

Qayd etilishicha, hududlar kesimida O‘zbekiston aholisi quyidagicha taqsimlangan:

• Samarqand viloyati – 4 million 312 ming 99 kishi;
• Farg‘ona viloyati – 3 million 896 ming 393 kishi;
• Qashqadaryo viloyati – 3 million 408 ming 313 kishi;
• Andijon viloyati – 3 million 253 ming 501 kishi;
• Toshkent viloyati – 2 million 941 ming 620 kishi;
• Namangan viloyati – 2 million 931 ming 66 kishi;
• Toshkent shahri – 2 million 860 ming 511 kishi;
• Surxondaryo viloyati – 2 million 743 ming 196 kishi;
• Buxoro viloyati – 1 million 976 ming 866 kishi;
• Qoraqalpog‘iston – 1 million 948 ming 496 kishi;
• Xorazm viloyati – 1 million 924 ming 167 kishi;
• Jizzax viloyati – 1 million 443 ming 380 kishi;
• Navoiy viloyati – 1 million 338 ming 69 kishi;
• Sirdaryo viloyati – 878 ming 599 kishi.

Avvalroq O‘zbekistonda 2021-yilning dastlabki 11 oyida 276,9 mingta nikoh tuzilgani, 2021-yil 1-dekabr holatiga ko‘ra, O‘zbekistonda yil boshidan buyon 832,4 ming nafar tug‘ilish holati qayd etilgani to‘g‘risida xabar berilgandi. Bundan tashqari, qo‘mita doimiy aholining yosh tarkibi bo‘yicha taqsimlanishi haqida ma’lumot bergandi. Keltirilgan ma’lumotga ko‘ra, O‘zbekiston aholisi sonida 0—4 yoshlilar eng ko‘p, 85 va undan kattalar esa ozchilikni tashkil etadi.