Bugun,

  • USD 10920.28
  • RUB 177.49
  • EUR 11052.42

Ijtimoiy tarmoqlarda 14-yanvar kuni Toshkent shahridagi “Turkiston” metro bekatida yong‘in sodir bo‘lgani aks etgan videolavha tarqaldi.

Videoda aytilishicha, holatni bartaraf etish uchun 4 ta o‘t o‘chirish mashinasi jalb qilingan.

Xabar qilinishicha, “Yunusobod” yo‘lida poyezdlarning intervali 30 daqiqaga yetgan. Yo‘lovchilar “Turkiston”dan avvalgi bekatlarda tushirib qoldirilgan.

Xabar chop etilgandan so‘ng Favqulodda vaziyatlar vazirligi holat yuzasidan ma’lumot berdi. Unga ko‘ra Yunusobod tumanidan o‘tuvchi metroning “Turkiston” bekatida elektr simlarining qisqa tutashuvi yuzaga kelgan.

Oqibatda ayrim vagonlarga tutun kirgan. Ushbu holat bo‘yicha Favqulodda vaziyatlar vazirligi hamda tegishli tashkilotlar zarur chora-tadbirlarni olib borgan va xavf bartaraf etilgan.

Voqea oqibatida jabrlangan fuqarolar yo‘q. Metro qatnovi reja asosida davom etayotgani ma’lum qilingan.

Bundan avval Toshkentdagi “Xalqlar do‘stligi” san’at saroyi yaqinida harbiy texnika yonib ketgani aks etgan video tarqalgandi. Holat yuzasidan Milliy gvardiya izoh berdi. Ta’kidlanishicha, yong‘in yengil zirhli texnikasining salon qismida qisqa tutashuv natijasida kelib chiqqan.

Izoh
Asosiy yangiliklar
Sport
Foto: Boks afsonasi Mayk Tayson nogironlar aravachasida
Dunyo
Argentinada ish haqini oshirish talabi bilan ommaviy namoyishlar bo‘lib o‘tmoqda (foto)
Mahalliy
“Avtomobillarga gazni belgilangan miqdordan ortiq quyish holatlariga bir necha bor guvoh bo‘ldik” —  senator