Futbol bo‘yicha Angliya Liga Kubogi yarim final javob o‘yinida “Tottenhem” va “Chelsi” jamoalari 12-yanvar, chorshanba kuni o‘zaro bahs olib bordi.
Uchrashuvning 18-daqiqasida Antonio Ryudiger mehmonlarni oldinga olib chiqdi. Mazkur gol o‘yinda yagonaligini saqlab qoldi. Ushbu jamoalarning dastlabki uchrashuvida “Chelsi” 2:0 hisobida g‘alaba qozongandi.
Shu tariqa “Chelsi” Liga Kubogi finaliga yo‘l oldi va u yerda “Liverpul” — “Arsenal” qarama-qarshiligi g‘olibi bilan bahs olib boradi.
Angliya Liga Kubogi
Yarim final bahsi
12-yanvar, chorshanba
“Tottenhem” — “Chelsi” 0:1
Gol: 0:1 – 18 Ryudiger.“Tottenhem”: Gollini, Emerson, Devis, Sanches, Tanganga, Doerti (Sessenyon, 65), Hyoybyerg, Uinks (Skipp, 81), Lo Chelso (Xil, 71), Lukas Moura, Keyn.
“Chelsi”: Arrisabalaga, Aspilikueta, Ryudiger, Kristensen (Tiago Silva, 66), Sarr, Kovachich (Kante, 77), Jorjinyo (Loftus-Chik, 82), Maunt (Ziyosh, 66), Lukaku, Verner (Alonso, 66), Hadson-Odoi.
Dastlabki bahs — 0:2
Izoh (0)