O‘zbekistonda endi emlangan fuqarolar bonusli o‘yinlar orqali sovg‘a yutib olishi mumkin. Bu haqda “Daryo” muxbiri xabar qilmoqda.
Qayd etilishicha, bu haqda turizm va sport vaziri Aziz Abduhakimov raisligida o‘tkazilgan yig‘ilishda aytib o‘tilgan. Hozirda bonusli o‘yinlarni tashkil etish tashabbusi yuzasidan amaliy ishlar olib borilmoqda.
Avvalroq O‘zbekistonda koronavirusga qarshi qo‘llangan vaksinalar soni 40 million dozadan oshgani xabar qilingandi.
Eslatib o‘tamiz, mamlakatga kelgan xorijiy davlat fuqarosidan COVID-19 ning yangi omikron shtammi 2022-yilning 7-yanvar kuni aniqlandi. Shu sababli 15-yanvardan turli tadbirlar tashkil etish taqiqlandi. Shuningdek, emlanmagan xodimlar ishga qo‘yilmaydi.
Izoh (0)