Koronavirusning “omikron” shtammining tarqalishi butun dunyoda COVID-19 bilan kasallanish holatlarining kamayishiga olib kelishi mumkin. Bu haqda Microsoft’ning sobiq rahbari Bill Geyts o‘zining Twitter’dagi sahifasi orqali ma’lum qildi.
“Biror-bir mamlakatda ‘omikron’ shtammi bilan kasallanish holatlari aniqlansa, keyingi bir yil davomida kasallanish holatlarining kamayishi kuzatiladi va koronavirusni mavsumiy gripp kabi davolash mumkin bo‘ladi”, — deb yozadi u.
Geytsning fikricha, “omikron” shtammi sabab ko‘pchilikda koronavirusga qarshi immunitet shakllanmoqda, bu esa kamida 1 yilga yetadi.
Shu bilan birga, Geytsning ma’lum qilishicha, mamlakatlar sog‘liqni saqlash tizimlari “omikron” sabab qiyinchiliklarga duch keladi. Uning ogohlantirishicha, vaksinatsiyadan o‘tmaganlar aksariyati koronavirusning og‘ir shakli bilan kasallanadi.
“Yanada yuqumli shtammning paydo bo‘lish ehtimoli kam, ammo pandemiya davrida ko‘plab syurprizlarga duch keldik… Balki qanchadir vaqt davomida har yili koronavirusga qarshi emlanishga majbur bo‘larmiz”, — deya qo‘shimcha qiladi u.
Koronavirusning paydo bo‘lishi to‘g‘risidagi savolga javob berar ekan Geyts u insonlarga boshqa biologi turgan yuqqanini yozgan. Microsoft sobiq rahbarining so‘zlariga ko‘ra, bu kabi holat kelajakda ham kuzatilishi mumkin, shu sababli odamlar o‘zini himoyalashga tayyor bo‘lishi kerak.
2021-yilning sentabr o‘rtalarida Geyts insoniyat hozirgidan “o‘n barobar yomonroq” bo‘ladigan yangi pandemiyaga tayyorlanishi kerakligini gapirgandi. Uning so‘zlariga ko‘ra, 100 kun ichida vaksina tayyorlashni o‘rganib olish, shuningdek, uning jahon iste’molini qoplashga imkon beradigan ishlab chiqarish quvvatlariga ega bo‘lish kerak.
“Keyingi pandemiyani to‘xtatish uchun yiliga o‘nlab milliard dollar sarflash talab etiladi — ko‘proq investitsiya, ammo yodda tuting, COVID-19 pandemiyasi hisob-kitoblarga ko‘ra, butun dunyoga 28 trillion dollarga tushadi. Dunyo trillionlab dollarni saqlab qolishi (va millionlab o‘limlarning oldini olishi) uchun milliardlar sarflashi kerak”, — deb yozgandi milliarder yanvar oyida.
Shu bilan birga, Geyts uni koronavirusni yaratish va Yer aholisini chiplashtirishda ayblagan fitna nazariyasi tarafdorlariga javob qaytargandi. “Noto‘g‘ri ma’lumotlar vaksinatsiyalarga xalaqit beradi, buning natijasida pandemiya uzoqroq davom etadi”, — degandi biznesmen.
Izoh (0)