O‘zbekistonda 2017—2021-yillar davomida uzunligi 40 600 kilometrlik elektr uzatish tarmoqlari va 12 900 ta transformator punkti yangilangan. Bu haqda Energetika vazirligi xabar qildi.
Qayd etilishicha, buning natijasida respublika bo‘yicha 7,3 mingdan ortiq mahalla fuqarolar yig‘inidagi 4,2 milliondan ortiq aholi xonadonlarining elektr energiyasi ta’minoti yaxshilangan.
2022-yilda uzunligi 15 ming kilometr bo‘lgan elektr uzatish tarmoqlari va 4 000 ta transformator punkt yangilanadi va rekonstruksiya qilinadi.
Avvalroq O‘zbekistonda elektr energiyasi va gaz bozorini tartibga soluvchi mustaqil organ tashkil qilinishi, Qashqadaryoda quyosh fotoelektr stansiyasi loyihasi bo‘yicha tender e’lon qilingani va Shavkat Mirziyoyev gidroenergetikani rivojlantirish to‘g‘risidagi qarorni imzolagani xabar qilingandi.
Izoh (0)