52 yashar Mettyu Makkonaxi Gollivudning eng kelishgan aktyorlaridan biridir. U kamdan kam hollarda yangi filmlarda suratga tushsa-da, “Intersellar”, “Haqiqiy detektiv” va “Jentlmenlar” kabi juda muvaffaqiyatli loyihalarni tanlaydi. Qizig‘i shundaki, so‘nggi paytlarda Mettyu The New York Times reytingida bestseller kitoblardan biri bo‘lgan avtobiografik asarini nashr etdi. 2021-yilning bahorida aktyor siyosiy karyerasini boshlashi haqida e’lon qildi.
Shu bilan birga, Makkonaxi Instagram’dagi sahifasi uchun ham alohida vaqt ajratadi. Gollivud yulduzining navbatdagi posti internet foydalanuvchilarining e’tiborini tortdi. Gap shundaki, aktyorning onasi Meri Ketlin 2022-yilning ilk kunlarida o‘zining 90 yoshini nishonladi. Tabiiyki, mehribon o‘g‘il uni o‘z blogida tabriklashga qaror qildi.
U sahifasiga murakkab bosmali bluzkada suratga tushgan onasining suratini joylashtirdi. Maftunkor Merining egnida tasma va boshida tojni ko‘rish mumkin. “Onam quvonch, kechirimlilik va qarshiliklar bilan yashaydi. U bu yerda bo‘lmaslkni tasavvur qila olmaydi. Tug‘ilgan kuningiz bilan, onajon”, – deya qisqacha yozdi Makkonaxi.
Aktyorning tabrigiga aktrisalardan Keyt Xadson, Jennifer Garner va boshqa ko‘plab mashhurlar qo‘shildi. Kuzatuvchilar Mettyuning onasi ajoyib ko‘rinishini ta’kidladi. Bu muxlislarni to‘lqinlantirib yubordi.
Mavzuga doir:
- “Titanik” va “Xalk”dagi rollarni qo‘ldan boy bergan, mashhurligi onasi bilan munosabatlariga putur yetkazgan Mettyu Makkonaxining qiyinchiliklarga to‘la hayot qissasi
- Mettyu Makkonaxi Texas shtati gubernatorligiga saylanish haqida o‘ylanmoqda
- Gollivud yulduzlarining qamoqxonada olingan suratlari (foto)
- Mettyu Makkonaxi futbol maydoniga qo‘lida do‘mbira bilan yashil kostyumda chiqib keldi. Shu orqali u “Ostin” muxlislariga o‘yin oldidan minnatdorchilik bildirgan
Izoh (0)