Ijtimoiy tarmoqlarda Namangan shahri hududida minglab odamlar tunda yo‘lni to‘sib harakatlanayotgani tasvirlangan video tarqaldi. Namangan viloyati IIB axborot xizmatining ma’lum qilishicha, videodagi holat 31-dekabr kuni shahardagi istirohat bog‘i yaqinida sodir bo‘lgan.
Ma’lum qilinishicha, “Yangi yil archasi” bayram tadbirlari munosabati bilan Namangan shahrining “Afsonalar vodiysi” istirohat bog‘iga 31-dekabr kuni viloyatning markaziy archasi o‘rnatilgan bo‘lib, unga viloyatning barcha tumanlaridan mingga yaqin fuqarolar tashrif buyurib, atrofida to‘plangan.
“Afsonalar vodiysi” istirohat bog‘iga jamoat tartibini saqlash va fuqarolar xavfsizligini ta’minlash maqsadida viloyat IIB JQB, TEQKB, HPB, PPX va JTSB, Kinologiya xizmati, Namangan shahar IIO FMB 1-sonli IIB xamda Milliy gvardiyadan jami 253 nafar xodim xizmatga jalb qilingan.
“Jamoat tartibini saqlashga jalb qilingan huquqni muhofaza qiluvchi organlar xodimlari tomonidan fuqarolar tarqatib yuborilayotgan holat internet tarmoqlarida namoyish qilingan”, — deyiladi munosabatda.
Ta’kidlanishicha, 31-dekabr kuni Namangan viloyati hududida norozilik chiqishlari va namoyishlar hamda ko‘ngilsiz holatlar sodir etilmagan.
Izoh (0)