Bugun,

  • USD 11014.01
  • RUB 191.8
  • EUR 10674.78

O‘zbekistonning barcha hududlarida 10,6 mingta uy xo‘jaligi o‘rtasida o‘tkazilgan kuzatuv natijalari asosida minimal iste’mol xarajatlari (MIX) qiymati hisoblandi. Bu haqda Davlat statistika qo‘mitasi xabar qildi.

Foto: “Daryo” / Madina Nurman

Foto: “Daryo” / Madina Nurman

Qayd etilishicha, xalqaro uslubiyatdan kelib chiqib, MIXni hisoblashda so‘rovnomada qatnashgan uy xo‘jaliklari xarajatlari miqdori bo‘yicha o‘nta guruhga ajratilib, bu oilalar orasidan eng kam xarajat (daromad)ga ega 30 foiz uy xo‘jaliklari ajratib olindi.

So‘rovnoma asosida mazkur uy xo‘jaliklarida jon boshiga kunlik iste’mol qilinadigan oziq-ovqat (2200 kilokaloriya) va zarur bo‘lgan nooziq-ovqat tovarlar hamda xizmatlar uchun minimal xarajatlar bir oyda kishi boshiga 498 ming so‘mni tashkil etishi hisob-kitob qilindi.

Ta’kidlanishicha, jahon tajribasida minimal iste’mol xarajatlari ko‘rsatkichidan kambag‘allik chegarasi sifatida foydalanish keng tarqalgan.

Mazkur ko‘rsatkichdan:

  • davlatning moddiy va boshqa ijtimoiy ko‘maklariga muhtoj aholining maqsadli (target) guruhini aniqlash;
  • mamlakat kambag‘allik chegarasini belgilashda foydalanish va bunda target guruhdagi aholining real iste’mol xususiyatlari va talablarini inobatga olish;
  • kambag‘allikka qarshi kurashish strategiyasi va dasturlarida belgilangan vazifa va chora-tadbirlarning natijadorligi hamda manzilliligini oshirish, shuningdek, ularning doimiy monitoringini yuritish;
  • pensiyalar va nafaqalarning eng kam miqdorini belgilash, shuningdek, kambag‘al oilalarga beriladigan boshqa turdagi moddiy ko‘maklarni ko‘rsatishda mezon sifatida foydalaniladi.
Ma’lumot uchun, 2020-yilda 5,4 ming uy xo‘jaligi o‘rtasida o‘tkazilgan so‘rovnoma yakuni bo‘yicha dastlabki hisoblangan minimal iste’mol xarajatlari 2021-yil narxlarida 440 ming so‘mni tashkil etib, o‘tgan yilning may oyida e’lon qilingandi. Yangi e’lon qilingan miqdor – 498 ming so‘m undan 13,2 foizga ko‘proq.

Eslatib o‘tamiz, 2020-yil dekabrda Iste’molchilar huquqlarini himoya qilish jamiyatlari federatsiyasi O‘zbekistonda iste’mol savatining miqdori bir kishi uchun taxminan 2,15 million so‘mni tashkil qilishini ma’lum qilgandi. Undan avvalroq Iqtisodiy tadqiqotlar va islohotlar markazi direktori Obid Hakimov O‘zbekistonda kuniga 5600 so‘m ishlab topgan shaxs kambag‘al deb hisoblanmasligini aytgan edi.

Izoh
Asosiy yangiliklar
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Mahalliy
O‘zbekiston davlat xizmatlari sohasida qariyb 100 mingta qonunbuzilish holati aniqlandi
Mahalliy
O‘zbekistonda kuz-qish mavsumi oldidan suv tarmoqlarini sozlash ishlari qanday ketayotgani aytildi