O‘zbekistonda hududlar, shaharlar va tumanlar kesimida kambag‘al toifadagi oilalar, ayollar va yoshlarning yagona elektron hisobga olish tizimini yaratish, kambag‘allikning qayta tiklanish xavfini bartaraf etish rejalashtirilmoqda. Bu haqda 2022–2026-yillarga mo‘ljallangan taraqqiyot strategiyasini 2022-yilda amalga oshirish bo‘yicha “Yo‘l xaritasi” loyihasida so‘z boradi.
Hujjat loyihasiga ko‘ra, kambag‘al oilalar bilan manzilli ishlash tizimini avtomatlashtiriladi. “Temir daftar”, “Yoshlar daftari”, “Ayollar daftari”ni “Ijtimoiy himoya yagona reyestriga” integratsiya qilinadi.
Shuningdek, kambag‘al aholi va kambag‘allik riskiga tushish ehtimoli yuqori aholiga taqdim etiladigan yordamlarni faqat ijtimoiy himoya yagona reyestri orqali amalga oshiriladi, aholini kambag‘allikdan chiqarish yo‘nalishida mavjud instrumentlarni yanada takomillashtiriladi va manzilliligi ta’minlanadi.
Bundan tashqari, biznesning ijtimoiy mas’uliyatini rag‘batlantirilishi kutilmoqda. Bunda, birinchi navbatda, mehnat jamoasiga munosib oylik maoshlarni belgilash va ularga qo‘shimcha “ijtimoiy paket”lar taqdim etish, shuningdek, ishlab chiqarishni kengaytirib borish hisobiga qo‘shimcha ish o‘rinlari yaratish masalalariga e’tibor qaratiladi. Aholining ehtiyojmand qatlami tarkibini monitoring va baholab borish, ularga ijtimoiy yordam ko‘rsatish mezonlarini hududning ijtimoiy-iqtisodiy rivojlanishini inobatga olib takomillashtirish mexanizmlarini tatbiq qilinadi.
Avvalroq O‘zbekistonda ayollarga pensiya hisoblashda ularning bolani parvarishlash ta’tilida bo‘lish vaqti 3 yildan 6 yilga oshirilishi mumkinligi, O‘zbekistonda 2026-yil yakuniga qadar kambag‘allikni kamida 2 baravarga qisqartirish rejalashtirilayotgani to‘g‘risida xabar berilgandi.
Izoh (0)