Samarqand viloyati Kattaqo‘rg‘on shahridagi restoran omborxonasidan 8 million 400 ming so‘mlik qurilish mollarini o‘g‘irlagan shaxs qo‘lga olindi. Bu haqida “Daryo”ga Samarqand viloyati Ichki ishlar boshqarmasi axborot xizmati ma’lum qildi.
Xabar qilinishicha, Kattaqo‘rg‘on shahri Obod ko‘chasida yashovchi fuqaro IIBga murojaat qilgan. U 2021-yil 27-dekabridan 2022-yilning 3-yanvar kunigacha bo‘lgan vaqt oralig‘ida noma’lum shaxs uning qurilishi bitmagan restorani omborxonasidan ta’mirlash uchun olib kelingan 22 dona qog‘oz qutida bo‘lgan 132 dona bo‘yoq solingan idish va 4 dona yelim chelakda bo‘lgan travertin qurilish materialini yashirin ravishda talon-toroj qilib voqea joyidan yashiringanini bildirgan.
Kattaqo‘rg‘on shahar IIB Jinoyat qidiruv bo‘limi xodimlari tomonidan olib borilgan tezkor surishtiruv ishlari davomida jinoyat shaharning “G‘arib machit” mahallasi Alisher Navoiy ko‘chasida yashovchi X.S. (1980-yilda tug‘ilgan) tomonidan sodir qilingani aniqlangan. X.S. tanishiga sotgan 34 dona bo‘yoq tegishli tartibda daliliy ashyo tariqasida rasmiylashtirib olingan.
Mazkur holat yuzasidan Jinoyat kodeksining 169-moddasi (o‘g‘rilik) 3-qismi bilan jinoyat ishi qo‘zg‘atilib, tergov harakatlari olib borilmoqda.
Mazkur modda bilan ayblangan shaxs besh yildan sakkiz yilgacha ozodlikdan mahrum qilish bilan jazolanadi.
Mavzuga doir:
- Toshkentdagi 3 ta masjidda fuqarolarning telefoni va pullarini o‘g‘irlagan xavfli retsidivist 7 yilga qamaldi
- Namanganda qaynanasining korxonasidan 40 mln so‘mlik mahsulotlarni o‘g‘irlashga uringan kuyov ushlandi
- Toshkentdagi do‘konlarda o‘g‘rilik sodir etish bilan shug‘ullangan ayol ushlandi. Jinoyatlarga voyaga yetmagan qiz ham jalb etilgan
Izoh (0)