067: Netflix'ning eng ommabop seriali “Kalmar o‘yini” yulduzi, supermodel Chon Xo-Yon haqida nimalarni bilamiz?

Rejissor Xvan Don Xyok tomonidan suratga olingan “Kalmar o‘yini”seriali butun dunyoda mashhurlikka erishgan. Netflix tarixidagi eng mashhur loyiha kompaniyaga 900 million dollar daromad keltirgan. Serialda bosh rollardan biri — 067 raqamli o‘yinchini ijro etgan janubiy koreyalik model Xo Yon Chonning ijtimoiy tarmoqlardagi akkauntiga premyeradan ikki hafta o‘tgach 16 milliondan ortiq kishi obuna bo‘lgan. Shu orqali ijtimoiy tarmoqlarda auditoriyasi eng tez o‘sgan yulduzlar reytingiga yetakchilik qilgan Chon bilan bog‘liq qiziqarli faktlarni e’tiboringizga havola qilamiz.

Chon Xo Yon model sifatida muvaffaqiyatga erishgan

Chon Xo Yon kinoda ilk bor 27 yoshida debyut rol ijro qilgan. Shu bilan birga u Koreyadagi moda olamida ham yetarlicha tanilgan. Uning ismi sayyoraning eng yaxshi 50 talik modeli reytingidan va Models.com’ning Hot List ro‘yxatidan o‘rin olgan. Bottega Veneta, Chanel, Fendi, Jacquemus va boshqa ko‘plab brendlar bilan hamkorlik qilgan modelning surati dunyoga mashhur jurnallar muqovasida chop etilgan.

Qolaversa, u 2017-yilda Louis Vuitton modalar uyi reklama kampaniyasining yuzi bo‘lgan. Netflix’dagi muvaffaqiyatidan keyin esa podiumlardagi muvaffaqiyati yanada ortishiga shubha yo‘q.

U mashhurlikka “Koreyscha top model”dan keyin erishgan

Yung 2013-yilda “Koreyscha top model”ning to‘rtinchi mavsumida ishtirok etgan. Ikkinchi haftasida shoudan chiqib ketib, beshinchi mavsumda qaytgan. Natijada finalchilar uchtaligidan o‘rin olgan, ammo g‘alaba unga nasib qilmagan.

U sanoatda mallarang sochlari bilan mashhur

Mahalliy moda sanoatidan u xalqaro darajaga 2016-yilda chiqqan. Uning muvaffaqiyatga erishishida mallarang sochlarining hissasi katta. Serialdagi to‘q sochi tabiiy, ammo u dizaynerlar orasida qizg‘ish mallarang sochi bilan mashhurlikka erishgan. Bu soch uning o‘ziga xos uslubi sanaladi.

Street style yulduzi hisoblanadi

Chon Xo Yon nafaqat podium, balki street style’da o‘ziga xos kiyinish uslubi bilan ham fotosuratchilarning sevimli modeliga aylangan.

Eng mashhur koreys xonandasi bilan do‘st tutingan

Mashhur Blackpink guruhining a’zosi Jenni aktrisa bilan yaqin dugona. Jenni “Kalmar o‘yini”ning suratga olish maydonchasiga Xo Yonni ko‘rgani borib, u bilan birga selfi tushgan, hatto. Ushbu post Instagram’da bir necha kun ichida 8 million layk to‘plagan.

Aktyor Li Don Xvi bilan uchrashadi

Chon Xo-Yon bir necha yildan buyon mashhur koreyalik aktyor Li Don Xvi bilan uchrashadi. U suratga tushgan “Oqsoch” filmi BAFTA mukofotiga ega bo‘lgan va 2016-yil Kann kinofestivalida ishtirok etgan.