Nodirbek Sayfullayev O‘zbekiston Prezidenti administratsiyasi madaniyat va san’atni rivojlantirish sho‘basi mudiri lavozimiga tayinlandi. Bu haqda “Yangi O‘zbekiston” xabar qildi.
Nodirbek Sayfullayev 1975-yil Toshkent shahrida tug‘ilgan. 1996-yil Toshkent davlat madaniyat institutini, 2005-yilda O‘zbekiston Respublikasi Prezidenti huzuridagi Davlat boshqaruvi akademiyasini tamomlagan, san’atshunoslik fanlari nomzodi.
Mehnat faoliyati davomida “O‘zbekteatr” birlashmasi boshqarma boshlig‘i o‘rinbosari, bosh direktori o‘rinbosari vazifalarida ishlagan. Shuningdek, o‘rindoshlik asosida O‘zbekiston davlat san’at institutining San’atshunoslik kafedrasida pedagoglik faoliyatini olib borgan.
2014-yil martdan Vazirlar Mahkamasida bosh mutaxassis, 2016-yil oktabrdan Madaniyat va san’at masalalari shu’basi mudiri lavozimlarida faoliyat yuritgan.
Tayinlovga qadar u 2019-yilning fevralidan buyon Kamoliddin Behzod nomidagi Milliy rassomlik va dizayn instituti rektori lavozimida ishlab kelayotgandi.
2022-yilning 3-yanvarida ushbu lavozimdan ozod etilib, o‘rniga Abbosjon Mirzorahimov Kamoliddin Behzod nomidagi Milliy rassomlik va dizayn instituti rektori etib tayinlandi.
Izoh (0)