Sehrli tayoqchasiz ham pul ishlab topishadi: “Garri Potter” ning eng badavlat aktyorlari (foto)

“Garri Potter”da suratga tushgan aktyor va aktrisalarning moliyaviy ahvoli qancha ekani haqida Grazia nashri ma’lumot beradi.

Emma Tompson — 40 million dollar

Ancha avvalroq tanilganiga qaramay, aynan “Garri Potter” filmi ortidan Emma ancha katta miqdordagi gonorarga ega bo‘lgan, uning moliyaviy ahvoli 40 million dollarni tashkil qiladi. U filmda professor Treloni rolini ijro qilgan.

Gari Oldman — 40 million dollar

Gollivudning eng ko‘zga ko‘ringan aktyorlaridan biri hisoblangan Gari Sirius Blek rolini ijro qilib, yosh muxlislar qalbini zabt etishga erishgan. Keyinroq Uinston Cherchil roli uchun “Oskar” mukofotini qo‘lga kiritgan. Uning moliyaviy ahvoli reytingda to‘qqizinchi bo‘lgan.

Rupert Grint — 50 million dollar

Franshizaning barcha qismlarida suratga tushgan Grint umumiy miqdorda 70 million dollar ishlab topgan.

Helena Bonem Karter — 60 million dollar

Helena Bonem Karter iste’dodi va mahorati ortidan 60 million dollarga ega bo‘lgan.

Kennet Brana — 60 million dollar

Kennet Brana esa gavdalantirgan roli evaziga 60 million dollarga ega bo‘lgan.

Emma Uotson — 85 million dollar

Emma “Garri Potter” franshizasi ortidan 60 million, “Sohibjamol va maxluq”da suratga tushgani evaziga esa 15 million dollarga ega bo‘lgan.

Robert Pattinson — 100 million dollar

Robert “Garri Potter”dan uncha ko‘p pul topmagan, ammo “Sumerki”dagi roli sabab katta mablag‘ga ega bo‘lgan. Ayni vaqtda muxlislar Dior Home’ning yuzi bo‘lgan Robert bosh qahramonni gavdalantirgan “Betmen” premyerasini intiqlik bilan kutmoqda.

Deniel Redkliff — 110 million dollar

“Garri Potter”dagi bosh qahramonni gavdalantirgan aktyor franshizadan umumiy miqdorda 95 million dollarga ega bo‘lgan. Ijodida biroz tanaffus kuzatilganiga qaramay, kinoga qaytganidan keyin yana 15 million dollar ishlab topgan.

Joan Rouling — 1 milliard dollar

Joan o‘z qalamiga mansub franshizasida suratga tushmaganiga qaramay, aynan u rol ijro qilgan aktyor va aktrisalardan ko‘proq pulga ega bo‘lgan. Uning kitobi butun dunyo bo‘ylab yarim milliard nusxada sotilgan. Rouling esa dunyodagi eng badavlat yozuvchilar orasida ikkinchi o‘rinni egallagan.