“PSJ”ning to‘rt futbolchisida koronavirus aniqlandi. Bu haqida parijliklar matbuot xizmati ma’lum qildi.
Lionel Messi, Xuan Bernat, Serxio Riko va Natan Bitumazalaning koronavirusga topshirgan testi ijobiy chiqdi. Hozirda futbolchilar izolyatsiyaga olingan.
O‘yinchilar 3-yanvar kuni bo‘lib o‘tadigan Fransiya Kubogi doirasidagi “Vann”ga qarshi uchrashuvni o‘tkazib yuboradi.
2021-yilning yozida Parij jamoasi safiga qo‘shilgan Lionel Messi Liga 1 doirasida 11 ta o‘yinda ishtirok etib, 1 ta gol va 4 ta golli uzatmani o‘z hisobiga yozdirib qo‘ygan. Bernat Fransiya chempionatida 7 ta o‘yinda ishtirok etgan bo‘lsa, Riko va Natan joriy mavsum bir martadan “PSJ” futbolkasida maydonga tushgan.
Avvalroq “Barselona”ning ko‘plab futbolchilarida koronavirus aniqlangani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)