O‘zbekistonda yanvar—noyabr oylarida qancha egizak chaqaloq tug‘ilgani ma’lum qilindi

O‘zbekistonda 2021-yilning yanvar—noyabr oylarida 16 ming 822 ta egizak chaqaloq tug‘ilgan. Bu haqda Davlat statistika qo‘mitasi xabar qildi.

Qayd etilishicha, ko‘rsatkich o‘tgan yilning mos davriga nisbatan 376 taga ko‘paygan. Hududlar kesimida tug‘ilgan egizak chaqaloqlar soni quyidagicha:

• Samarqand — 2154 ta;
• Andijon — 1797 ta;
• Qashqadaryo — 1716 ta;
• Namangan — 1468 ta;
• Toshkent — 1405 ta;
• Surxondaryo — 1370 ta;
• Farg‘ona — 1240 ta;
• Toshkent shahri — 1229 ta;
• Buxoro — 932 ta;
• Xorazm — 874 ta;
• Qoraqalpog‘iston — 785 ta;
• Jizzax — 769 ta;
• Navoiy — 584 ta;
• Sirdaryo — 499 ta.

Davlat statistika qo‘mitasi ma’lumotlariga ko‘ra, O‘zbekistonda 10 yil davomida uch nafar egizaklar tug‘ilishi 4 baravarga ko‘paydi. 2021-yilning birinchi yarmida egizaklar soni bo‘yicha Samarqand viloyati yetakchi bo‘lgan.

Avvalroq O‘zbekistondagi oilalarning aksariyati nechta bolali ekani, qaysi viloyatdagi oilalar eng serfarzand ekani ma’lum bo‘lgandi.