Bugun,

  • USD 11095.31
  • RUB 173.84
  • EUR 10772.44

Hukumat qarori bilan O‘zbekiston fuqarolarini doimiy yashash joyi va vaqtincha turgan joyi bo‘yicha ro‘yxatga olish tartibi to‘g‘risidagi nizomga o‘zgartirish va qo‘shimchalar kiritildi, deb xabar beradi “Huquqiy axborot” kanali.

Foto: “Daryo” / Madina Nurman

Foto: “Daryo” / Madina Nurman

Fuqarolarni doimiy yashash joyi bo‘yicha ro‘yxatga olish, bekor qilish va vaqtincha turgan joyi bo‘yicha ro‘yxatga olish xizmatlari migratsiya va fuqarolikni rasmiylashtirish bo‘linmalari, davlat xizmatlari markazlari yoki Yagona ijtimoiy davlat xizmatlari portali orqali amalga oshiriladi.

Ma’lum qilinishicha, ro‘yxatga olish uchun taqdim qilinadigan hujjatlar ro‘yxatidan uy-joy hujjatlari chiqarib tashlangan. Doimiy ro‘yxatga olish rasmiylashtirilganda QR-kod bilan himoyalangan qayd varag‘i beriladi.

Fuqaroning doimiy ro‘yxatga olinishini bekor qilish asoslari belgilandi:

  • bir manzildan boshqa manzilga ro‘yxatga olinganda;
  • mulkdor arizasiga ko‘ra;
  • mulkdor o‘zgarganda;
  • sudning fuqaroni uy-joydan foydalanish huquqini yo‘qotgan, shasxni bedarak yo‘qolgan deb topish va ko‘chirish haqidagi qarori asosida;
  • fuqaro xorijga doimiy yashashga ketganida;
  • soxta hujjatlar asosida ro‘yxatga olinganlik aniqlanganda;
  • umrbod ozodlikdan mahrum etilganda;
  • vafot etganda.
Ushbu nizom Toshkent shahri va Toshkent viloyati uchun tatbiq etilmaydi.

Eslatib o‘tamiz, 2020-yil 21-aprelda Shavkat Mirziyoyev Toshkent shahri va viloyatiga doimiy propiska qilishni soddalashtirish haqidagi farmonni imzolagan. 29-aprelda esa Qonunchilik palatasi deputatlari propiska tizimini isloh qilish to‘g‘risidagi qonunni ma’qullagan, 12-may kuni senatorlar propiska tizimiga kiritiladigan o‘zgarishlarni ma’qullagan. Shavkat Mirziyoyev mazkur qonunni 13-may kuni imzoladi.

Shuningdek, Prezident tomonidan 20-mayda imzolangan “ ‘Davlat boji to‘g‘risida’gi qonunga o‘zgartirish va qo‘shimchalar kiritish haqida”gi qonunga muvofiq, O‘zbekistonda doimiy yashovchi va respublikaning boshqa mintaqalarida doimiy propiskaga ega bo‘lgan O‘zbekiston fuqarolari tomonidan Toshkent shahri va Toshkent viloyatida yangi qurilgan ko‘chmas mulk sotib olinganda mol-mulkning oldi-sotdi shartnomalarini tasdiqlaganlik uchun shartnoma summasining 5 foizi miqdordagi davlat bojining alohida stavkasi bekor qilingan.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Dunyo
Litvada ham rus tilini o‘qitishdan voz kechish taklif qilindi