Parfyumeriya — bu juda ko‘p his-tuyg‘ular va taassurotlar beradigan o‘ziga xos va noyob dunyo. Ko‘pchilik bir necha xushbo‘y tomchilarsiz ko‘chaga ham chiqmaydi. Shuningdek, yulduzlar ham bundan mustasno emas.
Merilin Monro — Chanel No.5
Aynan Merilin Monro bu afsonaviy atirning dunyo miqyosida shuhrat qozonishiga yordam bergan. Darhaqiqat, 1960-yilda bergan intervyusida aktrisa tunda ham Chanel № 5 dan boshqa ifordan foydalanmasligini aytib o‘tgan.
Emma Stoun – GARDÉNIA by Chanel Les Exclusifs
Merilin Monro singari Emma Stoun har kecha yotishdan oldin Chanel atirini sepishini ta’kidlab o‘tgan. Faqat Emma apelsin gullari, jasmin va ko‘katlarning nozik iforiga ega bo‘lgan Les Exclusifs turkumidagi GARDÉNIA parfyumidan foydalanadi.
Adel – Hypnotic Poison by Dior
2012-yil intervyuda Adel o‘zining parfyumeriyasi yoki kosmetik mahsulotini ishlab chiqarish taklifini hech qachon qabul qilmasligini tan oldi va shunday dedi: “Men o‘z parfyumeriyamdan foydalanmayman. Men har doim 15 yoshimdan beri ishlatgan atirni sepaman”. Qo‘shiqchi aynan Hypnotic Poison by Dior’ni nazarda tutgan.
Megan Markl – Wild Bluebell Cologne by Jo Malone London
2015-yilda Megan afsonaviy britaniyalik Jo Melounning Wild Bluebell Cologne muxlisi ekanligini ma’lum qildi.
Keyt Middlton – White Gardenia Petals by Illuminum
Megandan farqli o‘laroq Keyt Middlton hech qachon o‘zining sevimli iforini oshkor qilmagan. Biroq u o‘z to‘yida White Gardenia Petals by Illuminum iforini tanlagan. Tabiiyki, unchalik taniqli bo‘lmagan parfyum qirollik oilasi a’zosi uchun sevimli ekanligi ma’lum bo‘lishi bilanoq hamma joyda tez sotila boshlagan.
Malika Diana – 24, Faubourg by Hermès
Marhum malika Diana kamdan kam hollarda bu noyob gulli iforni sepmasdan uydan chiqib ketardi.
Rianna – Love, Don’t Be Shy by Kilian
Xonanda Rianna Love, Don’t Be Shy by Kilian’ning ashaddiy muxlisi.
Nikol Kidman – Acqua Di Santa Maria Novella
2017-yilda aktrisa intervyularining birida Acqua Di Santa Maria Novella uning sevimli atirlaridan biri ekanligini aytib o‘tgan.
Sofi Terner – Santal 33 by Le Labo
Foto: Harper’s Bazaar
Aktrisa Nyu-Yorkdagi Le Labo parfyumeriya brendining Santal 33 atirining ashaddiy muxlisidir.
Naomi Kempbell – Molecule 01 by Escentric Molecules
2016-yilda bergan intervyusida supermodel Molecule 01 by Escentric Molecules atirini yaxshi ko‘rishini aytib o‘tgan.
Izoh (0)