Respublika Gidrometeorologiya markazi 29-dekabrdan 1-yanvarga qadar O‘zbekiston hududida kuzatiladigan ob-havo haqida ma’lumot berdi. Yangi yil arafasi o‘zbekistonliklarni tungi sovuqlar kutmoqda, 31-dekabr kuni esa havo harorati 13 darajagacha iliydi.
“Kecha issiq zaminimiz aholisini xursand qilgan ayozli va qorli ob-havoning sababi hududimizga Rossiyaning Yevropa hududidan (Moskva viloyati) kirib kelgan sovuq va nam havo massasidir. Butun respublika bo‘yicha qor yog‘ishi kuzatildi, tekislik hududlarda birinchi barqaror qor qoplami hosil bo‘ldi”, — deya ta’kidlaydi sinoptiklar.
27-dekabr kuni kunduz kuni respublika hududining katta qismida sovuq ob-havo kuzatiladi, faqat Farg‘ona vodiysi viloyatlarida qor yog‘adi. Harorat foni me’yordan 5—7 darajaga past bo‘ladi va 2 daraja iliq — 3 daraja sovuqdan yuqori bo‘lmaydi.
Qayd etilishicha, yil oxirigacha yog‘ingarchilik kutilmaydi. 28—29-dekabr kunlari kechasi havo 3—8 darajagacha sovuq, 30—31-dekabrda esa 2 daraja iliq — 3 darajagacha sovuq ko‘tariladi, 28-dekabr kunduz kuni harorat 2—7 daraja iliq bo‘ladi, 31-dekabrga kunduz kuni 8—13 darajagacha iliqlashadi.
Avvalroq “O‘zgidromet” 26—27-dekabrda A-373 Toshkent—O‘sh avtomobil yo‘lining Qamchiq dovoni qismida qor, vaqti-vaqti bilan kuchli qor yog‘ishi, tuman tushib, ko‘rinuvchanlik 50 metrgacha pasayishi, shamol tezligi sekundiga 17-22 metrgacha kuchayishi, yo‘lda qor uyumlari, yaxvonlik hosil bo‘lishi kutilayotganini ma’lum qilgandi.
Izoh (0)