Buyuk Britaniyaning xavfsizlik masalalari bo‘yicha vaziri Demian Xaynds Rossiya, Xitoy va Eron o‘zlarining razvedka va kiberhujum sohasidagi imkoniyatlari sabab Birlashgan Qirollikning asosiy dushmanlari hisoblanishini ma’lum qildi. Bu haqda The Telegraph nashriga tayanib, “Korrespondent.net” xabar berdi.
“Men tilga olgan uch mamlakatning odam kuchi va texnika jihatdan kibermakondagi ishtiroki katta, ular har qanday masshtabda kuchlarini joylashtira oladi”, — deydi u. Xayndsning ta’kidlashicha, ushbu mamlakatlar “ko‘plab turli usullar” yordamida axborot operatsiyalarini o‘tkaza oladi.
Vazirning so‘zlariga ko‘ra, Moskva, Pekin va Tehronning dushmanlik harakati yolg‘on axborot kampaniyalaridan tashqari, josuslar va askarlarining “kutish rejimi”da ekani bilan xavf tug‘diradi. Amaldor to‘rtinchi dushman davlat deya KXDRni keltirgan.
Shuningdek, Xaynds mazkur davlatlardan kelayotgan tahdidlarga qarshi kurashish uchun xorijlik josuslarga oid qonunchilikni yangilash zarurligini ta’kidlagan.
Avvalroq Eron armiyasi besh kunlik harbiy mashg‘ulotlar yakunida bir nechta ballistik raketalarni uchirgani to‘g‘risida xabar berilgandi. Britaniya ballistik raketalarning uchirilishini keskin qoralagan.
Eslatib o‘tamiz, Yadro bo‘yicha qo‘shma harakatlar rejasi deb nomlanadigan kelishuv 2015-yil yozida Tehron hamda beshta vositachi mamlakat o‘rtasida imzolangan. Keyinchalik Eronning mazkur kelishuvni qo‘pol ravishda buzganlikda ayblashgan. 2018-yil may oyi boshida AQSh kelishuvdan bir tomonlama chiqishini e’lon qilgan va Eronga qarshi sanksiyalar qayta joriy qilinganini bildirdi. Eron esa kelishuv shartlariga ortiq rioya qilmasligi va 2020-yil yanvardan mazkur shartnomadan to‘liq chiqqanini qayd etgandi.
Izoh (0)