Sudyalar oliy kengashining navbatdagi yig‘ilishida uch nafar nomzod ilk bor sudyalik lavozimiga tayinlandi, ikki nafar sudya vazifasidan ozod etildi. Bu haqda kengash axborot xizmati xabar qildi.
Ma’lum qilinishicha, kengash qaroriga ko‘ra, Soyibjon Rahimov sudyalik lavozimida bo‘lishning besh yillik muddatiga Namangan viloyati Namangan tumanlararo ma’muriy sudining sudyasi lavozimiga tayinlandi. Shuningdek, G‘ayratali Darvishaliyev Andijon tumanlararo sudining sudyasi lavozimiga, Adilbek Seytnazarov Guliston tumanlararo sudi sudyasi lavozimiga ma’qullangan.
Bundan tashqari, Jamol Sharipov yozma arizasiga binoan Buxoro viloyat ma’muriy sudining sudyasi lavozimidan chetlashtirildi. Jasur Ibodullayev esa sudyalik qasamyodini buzgani uchun yozma arizasiga binoan Sherobod tumanlararo sudining raisi lavozimidan ozod etilib, vakolati muddatidan ilgari tugatilgan.
Eslatib o‘tamiz, O‘zbekistonda 2021-yil 1-choragida 9 nafar sudyaga nisbatan intizomiy ish qo‘zg‘atilgan.
Mavzuga doir:
- O‘zbekiston sudyalar oliy kengashi qasamyodini buzgan sud raisini vazifasidan ozod etdi
- Andijonda sud raisi sudyalik odob-axloqini buzgani uchun ishdan olindi
- Xorazmda o‘lgan ayolning “ko‘rsatmasi”ni ishonchli deb topgan sudya hamon ishlamoqda. Marhuma YTH sabab komada yotgan jabrdiyda haydovchidan pul undirish uchun “tiriltirilgan” edi
Izoh (0)