Shavkat Mirziyoyev Uzbekistan GTL zavodi ochilishi munosabati bilan nutq so‘zlamoqda. Davlat rahbari zavodda ishlab chiqariladigan mahsulotlar turi va sifatiga to‘xtalib o‘tdi.
“Bugun GTL texnologiyasiga butun dunyoda talab kun sayin ortib borayotganini qayd qilib o‘tmoqchiman.
Shu bois AQSH, Kanada, Norvegiya va boshqa qator davlatlarning yetakchi kompaniyalari ham ana shunday loyihalarni amalga oshirishga kirishmoqda. Xalqaro energetika agentligi hisob-kitoblariga ko‘ra, GTL mahsulotlarini ishlab chiqarish 2030-yilga borib 2 barobar o‘sadi.
GTL zavodi mahsulotlaridan xomashyo sifatida foydalangan holda, yanada yuqori qo‘shilgan qiymatli yangi turdagi mahsulotlar ishlab chiqarishni ko‘paytirish bo‘yicha ham rejalarimiz bor.
Jumladan, zavod negizida alkil-benzol, buten va geksen, sintetik moylar, malein angidrid, emulsion qo‘shimchalar, katalizatorlar kabi mahsulotlar ishlab chiqarish bo‘yicha qiymati 620 million dollar bo‘lgan 6 ta loyiha amalga oshiriladi.
O‘z navbatida, bu yarimtayyor mahsulotlar kimyo va maishiy kimyo, tekstil, charm va mebel, qurilish materiallari va elektrotexnika kabi sohalarda keng qo‘llaniladi.
Yana bir muhim jihat – zavodda ishlab chiqariladigan mahsulotlar jahondagi eng yuqori ekologik talablar, norma va standartlarga to‘liq javob beradi”, – deydi Shavkat Mirziyoyev
Mavzuga doir:
- “Endi gazimizni arzon-garovga chetga sotmasdan, o‘zimiz qayta ishlaymiz va ko‘proq daromad olamiz” — Shavkat Mirziyoyev
- “Endi sifatli aviakerosinimiz bor. Biz Navoiyda aviaxab tashkil etamiz. Boshqa davlatlar uchun aviaxizmatlar ko‘rsatishimiz mumkin” – Shavkat Mirziyoyev
- “Meni xursand qilayotgani 3-4 milliard AQSh dollariga teng GTL majmuasini 40 ga kirmagan qorako‘zlarimiz boshqaryapti” — Shavkat Mirziyoyev
- “Bunday yirik majmua shu paytgacha jahonda faqat 4 ta davlatda barpo etilgan”. Shavkat Mirziyoyev GTL zavodining ochilish marosimida nutq so‘zlamoqda
Izoh (0)