Qashqadaryo viloyati Qarshi shahrida 20-dekabr kuni sobiq turmush o‘rtog‘ining shaxsiga oid ma’lumotlari va ekspertiza hujjatlarini tarqatib yubormaslik uchun pul talab qilgan fuqaro ushlandi. Bu haqda Tergov departamenti xabar qildi.
Ma’lum qilinishicha, shu kuni Qarshi shahar IIO FMB boshlig‘i nomiga B.M. ismli ayol (1998-yilda tug‘ilgan) ariza bilan murojaat qilgan. U sobiq turmush o‘rtog‘i Y.F. (1997-yilda tug‘ilgan) uning shaxsiga oid ma’lumotlar va ekspertiza hujjatlarini o‘qish va ish joyi, ijtimoiy tarmoqlarga tarqatib yuborish bilan qo‘rqitib, ma’lumotlarni oshkor qilmaslik evaziga 5 ming dollar so‘rayotganini ma’lum qilgan.
O‘tkazilgan tezkor tadbir davomida Y.F. Qarshi shahridagi “Yashil bozor” savdo do‘koni yonida fuqaro B.M.dan maxsus kimyoviy ishlov berilgan 2500 dollarni olgan vaqtida ushlanib, pul mablag‘lari ashyoviy dalil tariqasida rasmiylashtirib olingan.
Holat yuzasidan Y.F.ga nisbatan Jinoyat kodeksining 165-moddasi 1-qismi (tovlamachilik) bilan jinoyat ishi qo‘zg‘atilib, u gumon qilinuvchi tariqasida jalb qilingan. Mazkur jinoyatni sodir etgan shaxs uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
Mavzuga doir:
- Toshkentda tanishining nomaqbul foto va videolarini tarqatmaslik uchun undan 5 mln so‘m so‘ragan 21 yoshli yigit ushlandi
- Toshkentda qizning kiyimsiz holdagi videosini tarqatmaslik uchun undan 5 ming dollar talab qilgan shaxsga hukm o‘qildi
- Xorazmda Instagram’dagi obro‘sizlantiruvchi rasmlarni o‘chirish evaziga 5 ming dollar so‘ragan shaxs ushlandi
Izoh (0)