AQSh Dengiz piyodasi korpusi o‘tgan hafta koronavirusga qarshi vaksina olishni istamagan 66 nafar piyodani xizmatdan bo‘shatib yubordi. Bu haqda ABC News telekanaliga tayanib, “Interfaks” xabar berdi.
“Kasallikning odamlar orasida tarqalish tezligi dengiz piyodalarimiz va Dengiz piyodasi korpusining missiyasi uchun xavfni oshiradi”, — deyiladi AQSh Harbiy dengiz kuchlarining bayonotida.
Dengiz piyodasi korpusi, shuningdek, diniy sabablarga ko‘ra vaksinatsiyadan ozod etish borasidagi barcha iltimoslarni rad etgan.
Dengiz piyodalarining vaksinatsiya darajasi AQSh harbiy xizmatchilari orasida eng past ko‘rsatkichga ega. AQSh Harbiy dengiz floti, Harbiy dengiz kuchlari va armiyasidagi 98 foiz harbiy xizmatchi vaksinaning hech bo‘lmaganda bir dozasini olgan.
Avvalroq AQSh razvedkasining minglab xodimlari emlanishdan bosh tortgani uchun ishdan bo‘shatilishi mumkinligi to‘g‘risida xabar berilgandi.
Mavzuga doir:
Izoh (0)