Namangan viloyati Mingbuloq tumanida jahlini bosa olmagan shaxs pichoq bilan ayolni jarohatladi, deb xabar bermoqda Ichki ishlar vazirligi.
Ma’lum qilinishicha, 17-sentabr kuni soat 20:50 atrofida fuqaro (1995-yilda tug‘ilgan) Mingbuloq tumani hududida joylashgan oshxonaga borgan. Shu yerda ishlaydigan tanish ayolga (1994-yilda tug‘ilgan) “Nega men bilan birga yashamaysan?”, deb yonidagi oshxona pichog‘i bilan ko‘krak orqa devori va chap quloq orqa qismiga urib, tan jarohati yetkazgan.
Erkak 9-avgust kuni Jinoyat kodeksining 277-moddasi 3-qismi (sovuq qurol yoki kishining sog‘lig‘i uchun amalda shikast yetkazishi mumkin bo‘lgan narsalarni (qurol sifatida) namoyish qilib, ularni qo‘llash bilan qo‘rqitib bezorilik qilish) bilan sudlangan.
Yuqoridagi holat yuzasidan Jinoyat kodeksining 104-moddasi 1-qismi (qasddan badanga og‘ir shikast yetkazish) bilan jinoyat ishi qo‘zg‘atilgan. Ushbu jinoyatni sodir etgan shaxs uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
Izoh (0)