AQSh prezidenti Jo Bayden o‘z salomatligi imkon bersa, 2024-yilgi prezidentlik saylovlarida ham ishtirok etadi. Bu haqda u ABC telekanaliga bergan intervyusida ma’lum qildi, deb xabar beradi “RBK”.
“Ha. Lekin eshitinglar, men taqdirni juda hurmat qilaman. Taqdir mening hayotimga juda ko‘p aralashgan. Agarda o‘sha vaqtda ham sog‘lig‘im hozirgidek, ya’ni yaxshi holatda bo‘lsa, qayta nomzodimni qo‘yaman”, — deya Bayden 2024-yilgi prezidentlik saylovlarida ishtirok etish-etmasligi borasidagi savolgan.
Bundan tashqari, u AQShning sobiq prezidenti Donald Tramp bilan kurashishga tayyorligini bildirgan. “Nima uchun Donald Trampga qarshi nomzod sifatida saylovda qatnashmasligim kerak? Bu nomzodimni qo‘yishim borasidagi imkoniyatlarimni oshiradi”, — deya qo‘shimcha qilgan u.
78 yoshli Bayden 2020-yilning kuzida o‘tkazilgan saylovlarda g‘olib chiqqandi. 2024-yilgi saylovlarda ishtirok etish niyatida AQSh prezidenti inauguratsiyadan keyin deyarli darhol e’lon qilgan.
“Men ikkinchi muddatga nomzodimni qo‘yishni rejalashtiryapman. Men buni kutyapman”, — degandi 78 yoshli Bayden mart oyida. O‘shanda u katta ehtimol bilan AQShning amaldagi vitse-prezidenti Kamala Xarris ham qayta saylanishi mumkinligini qo‘shimcha qilgandi.
Shunga qaramay, Baydenning reytingi so‘nggi paytlarda pasayib bormoqda. Quinnipiac universiteti tomonidan o‘tkazilgan so‘nggi so‘rovlarga AQSh prezidenti Jo Baydenning faoliyatini amerikaliklarning 36 foizigina ma’qullagan. Bu yangi tarixiy minimum hisoblanadi. Bundan oldingi eng past natija oktabr oyida — so‘rov ishtirokchilarining 38 foizini uni qo‘llab-quvvatlangan vaqtda qayd etilgandi.
Avvalroq AQSh prezidenti Jo Baydendan tibbiy ko‘rik vaqtida zararsiz o‘simta olib tashlangani to‘g‘risida xabar berilgandi.
Izoh (0)