Futbol bo‘yicha Angliya Liga Kubogining chorak final bosqichidan o‘rin olgan o‘yinlar 22-dekabr, chorshanba kuni bo‘lib o‘tdi.
“Liverpul” “Lester”ni mehmon qildi. Uchrashuvning 9 va 13-daqiqalarida Jeymi Vardi dubl qayd etdi. 19-daqiqada Aleks Oksleyd-Chemberleyn hisobni qisqartirdi. 33-daqiqada Jeyms Meddison “tulkilar”ning uchinchi goliga mualliflik qildi. 68-daqiqada mersisaydliklar safida Diogu Jota gol urdi. Hakam tomonidan qo‘shib berilgan daqiqalarning so‘ngida esa Takumi Minamino muvozanatni tikladi. Shundan so‘ng tomonlar penaltilar seriyasiga murojaat qildi, unda Yurgen Klopp shogirdlari 5:4 hisobida g‘alaba qozondi.
“Chelsi” Pontus Yanssonning avtogoli va Jorjinyoning penaltidan unumli foydalangani evaziga “Brentford” ustidan g‘alaba qozondi.
“Tottenhem” va “Vest Hem” uchrashuvida esa mezbonlar 2:1 hisobida g‘olib bo‘ldi. “Shporlar” safida Stiven Bergveyn va Lukas Moura gol urgan bo‘lsa, “bolg‘achilar” bunga Jarrod Bovenning goli bilan javob berdi.
Shu tariqa “Arsenal”, “Liverpul”, “Chelsi” va “Tottenhem” Angliya Liga Kubogining yarim finalida ishtirok etadigan bo‘ldi.
Angliya Liga Kubogi
Chorak final bahslari
22-dekabr, chorshanba
“Liverpul” – “Lester” 3:3 (penaltilar seriyasida 5:4)
Gollar: 0:1 – 9 Vardi, 0:2 – 13 Vardi, 1:2 – 19 Oksleyd-Chemberlen, 1:3 – 33 Meddison, 2:3 – 68 Diogu Jota, 3:3 – 90 Minamino.“Liverpul”: Kellexer, Gomes, Kumetio (Konate, 46), Simikas (Bek, 80), Henderson (Keyta, 59), Oksleyd-Chemberlen, Morton (Milner, 46), Bredli (Diogu Jota, 46), Uilyams, Firmino, Minamino.
“Lester”: Shmeyxel, Rikardu Pereyra (Olbrayton, 42), Ndidi, Seyunjyu (Vestergor, 60), Tomas, Tilemans, Meddison, Sumare, Dyuzberi-Holl (Bertran, 60), Vardi, Daka (Ixeanacho, 56).
Ogohlantirishlar: Morton (10), Meddison (74), Tomas (89).
“Brentford” – “Chelsi” 0:2
Gollar: 0:1 – 80 Yansson (avtogol), 0:2 – 85 Jorjinyo (penalti).“Brentford”: Alvaro Fernandes, Yansson, Sorensen, Pinnok, Genri (Goddos, 73), Kanos, Yensen (Forss, 81), Yanelt (Nergor, 66), Baptist (Oneka, 74), Vissa (Touni, 65), Mbemo.
“Chelsi”: Arrisabalaga, Aspilikueta, Chaloba, Sarr, Alonso, Saymons (Jeyms, 65), Barkli (Kante, 76), Kovachich (Jorjinyo, 46), Saul, Veyl (Maunt, 65), Sunsap-Bell (Pulishich, 46).
Ogohlantirishlar: Yanelt (12), Veyl (45), Kanos (68), Saul (77).
“Tottenhem” – “Vest Hem” 2:1
Gollar: 1:0 – 29 Bergveyn, 1:1 – 32 Bouen, 2:1 – 34 Lukas Moura.“Tottenhem”: Lyoris, Doerti (Tanganga, 83), Dayer, Devis, Sanches, Regilon (Emerson, 83), Lukas Moura (Uinks, 61), Heyberg, Skipp (Alli, 77), Keyn, Bergveyn (Son Hin Min, 61).
“Vest Hem”: Areolya, Eshbi (Yarmolenko, 80), Douson, Diop, Jonson, Masuaku, Lansini (Fornals, 68), Vlashich (Benrahma, 68), Souchek, Rays, Bouen.
Ogohlantirish: Bouen (37).
Izoh (0)