Markaziy bank dollarning o‘zbek so‘miga nisbatan yangi qiymatini e’lon qildi

Markaziy bank 23-dekabrdan xorijiy valyutalarning o‘zbek so‘miga nisbatan yangi qiymatini belgiladi.

Unga ko‘ra, dollarning rasmiy kursi 10,93 so‘mga ko‘tarilib, 10 848,58 so‘mni tashkil qildi. Yevro 0,68 so‘mga pastlab, 12 240,45 so‘m bo‘ldi.

Bundan avval dollarning rasmiy kursi 9,28 so‘mga ko‘tarilib, 10 837,65 so‘mni tashkil qilgandi. O‘zbekistonda dollar kursi 2022-yilda 11 300 so‘mgacha ko‘tarilishi mumkin.

Prezidentning “Raqobat muhitiga salbiy ta’sir ko‘rsatadigan to‘siqlarni bartaraf etish va tadbirkorlik faoliyati yo‘nalishlarini yanada kengaytirish chora-tadbirlari to‘g‘risida”gi qarori loyihasiga ko‘ra, O‘zbekistonda tadbirkorlarga valyuta ayirboshlash xizmatlarini ko‘rsatishga ruxsat berilishi kutilmoqda.