Qarindoshlar o‘rtasida nikoh aksariyat hollarda bobo-buvi yoki ota-onalarning tashabbusi bilan bo‘ladi. Bu haqda AOKAda bo‘lib o‘tgan brifingda Mahalla va oilani qo‘llab-quvvatlash vazirligi boshqarma boshlig‘i Mukarram Nurmatova ma’lum qildi.
Uning so‘zlariga ko‘ra, “Mahalla va oila” ilmiy-tadqiqot instituti bilan birgalikda 2021-yil may—iyun oylarida qarindoshlar o‘rtasida nikoh tuzish holatlari va uning sabablarini o‘rganish maqsadida respublikaning 200 ta tumanida 6 974 ta fuqarolar yig‘ini raislari o‘rtasida sotsiologik so‘rov o‘tkazilgan.
Sotsiologik so‘rovnomada qarindoshlar o‘rtasida tuzilgan nikohlardagi oilalarning hayoti qanday kechayotganini aniqlashga qaratilgan savollarga respondentlarning
- 25,2 foizida ziddiyat va nizolar uchrab turganini,
- 24,9 foiz oilalarda nogiron farzandlar borligi,
- 8,9 foiz qarindoshlik asosida qurilgan oilalarda muammolar mavjudligi (doimiy quda-andachilikdagi kelishmovchiliklar bo‘layotgani) bildirilgan.
- 58,1 foiz bobo-buvilar,
- 56,4 foizi ota-onalar,
- 14,3 foizi tog‘a-xola va amaki-ammalar,
- 13,2 foizi opa-singillar,
- 1,2 foizi aka-ukalar,
- 8,3 foizi boshqa shaxslar
Ta’kidlanishicha, yaqin qarindoshlar o‘rtasidagi nikohlar hanuzgacha oshkora yoki yashirin holda noqonuniy qayd etilishi holatlari uchramoqda. “Mamlakatimizdagi barcha oliy o‘quv yurtlarida va tibbiy maslahatxonalarda, mahallalarda bu borada olib borilayotgan tushuntirish ishlari yo‘lga qo‘yilganligiga qaramay, salbiy holatlar hamon tez-tez uchrab turibdi”, — deydi Nurmatova.
Avvalroq O‘zbekistonning qaysi viloyatida qarindoshlar o‘rtasida nikoh tuzish holatlari ko‘proq ekani to‘g‘risida xabar berilgandi. Ma’lumotlarga ko‘ra, mamlakatda 2021-yilning iyul—sentabr oylarida FHDYo organlari tomonidan qarindosh bo‘lgan 675 nafar kelin-kuyovning nikohlari qayd qilingan.
Izoh (0)