Futbol bo‘yicha Ispaniya La Ligasining qoldirilgan 4-turidan o‘rin olgan ikki o‘yin 21-dekabr, seshanba kuni bo‘lib o‘tdi.
“Barselona” Sevilyada mehmon bo‘ldi. Uchrashuvning 32-daqiqasida Alexandro Gomes “Sevilya”ni hisobda oldinga olib chiqdi. Birinchi bo‘lim so‘ngida Ronald Arauxo burchakdan oshirilgan to‘pni boshi bilan darvozaga yo‘llab, muvozanatni tikladi.
64-daqiqada maydon egalari Jyul Kundening qizil kartochkasidan keyin bir o‘yinchi kam bo‘lib qoldi. Biroq qolgan vaqtda hisob o‘zgarmadi.
Kataloniyaliklar ochkolari sonini 28 taga yetkazdi va yettinchi o‘ringa ko‘tarilib oldi. “Sevilya” esa 38 ochko bilan ikkinchi o‘rinda bormoqda.
La Liga
4-tur bahslari
21-dekabr, seshanba
“Sevilya” — “Barselona” 1:1
Gollar: 1:0 – 32 Gomes, 1:1 – 45 Arauxo.“Sevilya”: Bunu, Kunde, Fernando, Diyego Karlos, Rekik, Rakitich (Gudel, 70), Dileyni (Augustinsson, 86), Jordan, Gomes (Xuanlu Sanches, 86), Okampos (Fattore, 90), Rafa Mir (En-Nesiri, 70).
“Barselona”: ter Stegen, Arauxo, Pike, Erik Garsiya (Langle, 72), Alba, Buskets, de Yong (de Yong, 85), Gavi, Jujla (Niko Gonsales, 73), Ezzalzuli, Dembele.
Ogohlantirishlar: Buskets (11), Dileyni (35), Ezzalzuli (73), Gavi (77), Xuanlu Sanches (88).
Chetlatish: Kunde (64).
Izoh (0)