Sovet davri filmlarida tomoshabinlar e’tiborini bosh qahramonlardan ham ko‘proq tortgan aktyor va aktrisalar (foto)
Sovet kinosidan turli xil personajlar bisyor. Unda yomon yoki yaxshi obrazlarni ham, neytral yoki ziddiyatli qahramonlarni ham ko‘rish mumkin. Har birining o‘ziga xos xarakteri va maqtovga loyiq vazifasi bor. Odatda tomoshabinlar e’tiborini birinchi darajali qahramonlar jalb qilishi aniq, lekin doim ham bunday bo‘lmaydi. Ayrim ikkinchi darajali rol sohiblari bosh qahramondan ham ko‘ra ko‘proq tomoshabinlar e’tiborini tortadi.
Koshey — “Qizil qor yog‘ganda”
“Qizil qor yog‘ganda” — bolaligida almashib qolgan shahzoda Ivan haqidagi ajoyib ertak. Shubhasiz, Ivan kelishgan qahramon bo‘lgani uchun bosh rol orqali tomoshabinlar qalbini zabt etishi kerak edi. Biroq, sharhlarga ko‘ra, eng kulgili qahramon — o‘lmas Koshey bunga erishdi. Tomoshabinlarning ta’kidlashicha, Oleg Tabakov Koshey rolini o‘ziga xos tarzda ijro etgan. Qahramonning so‘zlari hattoki bir zumda sitata darajasiga ko‘tarilgan.
Saaxov — “Kavkaz asirasi”
Hamma uchun sevimli Shurikning iste’dodiga shubha qilib bo‘lmaydi, lekin u filmda e’tiborga tushgan yagona odam emas edi. Vladimir Etushning Saaxov obrazi alohida tahsinga loyiq. Garchi kinotanqidchilar aktyor ijrosi bo‘yicha turli xil fikrlar bildirgan bo‘lsa-da, bu uning muvaffaqiyatiga to‘sqinlik qilmadi.
Verochka — “Ishdagi ishq”
“Ishdagi ishq” zamonaviy ayol qahramonlar va tasvirlarga boy. Ammo Liya Axejakovaning qahramoni Verochka ko‘plab sovet ayollari uchun haqiqiy moda ilhomiga aylandi.
Jorj Miloslavskiy — “Ivan Vasilyevich kasbini o‘zgartiradi”
Ushbu kartinada bosh qahramonni alohida ajratib ko‘rsatish qiyin, lekin ko‘proq Ivan Vasilyevichning o‘zi deb qaraladi. Shuningdek, tomoshabinlar ayyor, ammo kelishgan Jorj Miloslavskiyni eng taniqli qahramonlardan biri deb biladi. Ayniqsa, ko‘pchilik kartinadagi deyarli barcha mashhur iboralar Miloslavskiyga tegishli ekanligini ta’kidlaydi.
Marfusha — “Ayozbobo”
Nastenka — muloyimlik, nazokat va go‘zallik namunasi. Butun film davomida qiz o‘zini kamtarona, shirinsuxan tutadi, ertak oxirida kuyov va boylik unga nasib qiladi. Ammo unga qarshi qahramon — Inna Churikova tomonidan ijro etilgan injiq Marfusha, ba’zi tomoshabinlarning fikriga ko‘ra, ancha yorqinroq xarakterdir. Aytgancha, ushbu roli uchun Churikova Chexiya elchisi Yaroslav Bashtaning “Masarik” medali bilan taqdirlangan.
Ippolit — “Taqdir hazili yoki qushdek yengil bo‘ling”
Lukashindan farqli o‘laroq, Ippolit salbiy xarakter sifatida yaratilgan, ammo oxir-oqibat tomoshabinlarda tushunarsiz his-tuyg‘ularni uyg‘otgan. Xarakter hamdardlik Yuriy Yakovlevning ajoyib ijrosi asosida ham namoyon bo‘ladi. Shuningdek, uning ham so‘zlari kino ixlosmandlari orasida juda mashhur.
Mavzuga doir:
