Shavkat Mirziyoyev 21-dekabr kuni yer hisobi va davlat kadastrlarini to‘liq shakllantirish, sohaga raqamli texnologiyalarni joriy etish masalalari yuzasidan kengaytirilgan yig‘ilish o‘tkazildi. Bu haqda prezident matbuot kotibi Sherzod Asadov xabar qildi.
Unda qayd etilishicha, yangi tashkil etilgan Kadastr agentligi 2021-yildan boshlab O‘zbekiston tarixida ilk bor qishloq xo‘jaligi yerlarini yalpi xatlovdan o‘tkazib, elektron ro‘yxatdan o‘tkazishni boshlagani. Bu orqali 23 million gektar qishloq yerlarining elektron xaritalari yaratilgan.
Qishloq xo‘jaligi yerlarining 22 million gektari davlat ro‘yxatidan o‘tkazilgan. Bundan tashqari, hisobga olinmagan 412 mingta ko‘chmas mulk kadastr bazasiga kiritilgan. 478 mingta obyektda qo‘shimcha qurilmalar aniqlanib, kadastr bahosi qayta ko‘rib chiqilgan.
Shuningdek, xatlovda ko‘plab muammolar ham aniqlangan. Misol uchun, elektron hisobga olinayotgan qishloq xo‘jaligi yerlari qog‘oz shaklida yuritib kelingan Yer fondi hisoboti amaliyotdan farq qilgan.
“Jumladan, haqiqatda aholi yashash punktiga aylanib ketgan 830 ming gektar maydon boshqa yer toifalarida hisobda turibdi”, — deyiladi xabarda.
Izoh (0)