Instagram: Uch egizak farzandli bo‘lgan Sharof Muqimov, avariyaga uchragan Bonamur, uch o‘limdan qolgan Luiza Rasulova

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Shahzoda folloverlarini o‘zini sevishga chaqirdi.

Yigitali Mamajonov va Muqaddas Sa’dullayevaning o‘g‘li Abubakr ilk marta “boshsiz odam” bilan tanishdi. Bolakayning taassurotlari uning ota-onasi tomonidan videoga muhrlandi.

Ozoda Nursaidova yangi fotosessiyasini sahifasiga joyladi.

Taniqli aktyor Alixan o‘z bizneslari haqida so‘zlab berdi. Uning aytishicha, aktyorlikdan tashqari ro‘zg‘or tebratish uchun ko‘chmas mulk oldi-sotdisi bilan ham shug‘ullanadi.

Ulug‘bek Rahmatullayev konsert berish uchun AQShga jo‘nab ketdi.

Aktyor Tohir Saidov muxlislariga filmlardagi qonli sahnalar qanday suratga olinishini ko‘rsatdi.

Zarina Nizomiddinova muxlislarini kelayotgan Yangi yil bilan tabrikladi.

Tiktoker Bonamur o‘ziga tegishli Gentra avtomobilida avariyaga uchraganini ma’lum qildi. U o‘z sahifasiga pachoqlangan avtomobil va singan iPhone rasmini joylashtirdi. Tiktokerning aytishicha, uning o‘ziga jiddiy shikast yetmagan.

Gulchehra Eshonqulova qizi bilan tushgan suratini “Kichkina Shabnamim” deb izohladi. Aktrisa qizining sochlarini o‘z qahramoniniki singari o‘rib qo‘ydi.

Aktrisa Luiza Rasulova xizmatga avtomobilini o‘zi boshqarib borishiga to‘g‘ri kelgani hamda yo‘ldagi xavfli vaziyatlar tufayli kamida uch marta o‘limdan qolgani haqida yig‘lab so‘zlab berdi.

Bollivud yulduzi Priyanka Chopra “Matritsa” filmining taqdimotida ishtirok etish uchun San-Fransiskoga yetib bordi.

Xonanda Sharof Muqimov birvarakayiga uch nafar o‘g‘illi bo‘ldi. Uning ma’muri xonanda o‘g‘il farzand ko‘rsa, unga ustozlarining ismini qo‘yishni niyat qilgani, shuning uchun egizaklarning birining ismi aniq Tohir bo‘lishini yozib qoldirdi.