Ijtimoiy tarmoqlarda Samarqand shahri Alisher Navoiy ko‘chasiga o‘rnatilayotgan Yangi yil archasi sog‘lom tabiiy archalardan kesib olib ko‘tarilayotgani aks etgan videolavha tarqaldi. Shahar hokimligi holatga munosabat bildirdi.
Ma’lum qilinishicha, shahardagi o‘rnatib bo‘lingan va o‘rnatilayotgan Yangi yil archalari betartiblashib qolgan tabiiy archalarning butalgan shox-shabbalar yordamida ko‘tarilmoqda. Biroq videotasvirdagi holatda Samarqand shahar hokimligi obodonlashtirish boshqarmasining Bog‘ishamol uchastkasi xodimi o‘zboshimchalik bilan Alisher Navoiy ko‘chasidagi archaning yuqori qismi uchun shu atrofdagi sog‘lom archa shoxlarini kesib olib, ishni oxiriga yetkazib qo‘yishga uringan.
“Mazkur xodimga nisbatan bu kabi xatti-harakati uchun tegishli tartibda chora ko‘rilishini eslatib o‘tamiz”, — deyiladi xabarda.
Qayd etilishicha, ushbu holatdan boshqarma boshlig‘i va boshqa rahbarlarning xabari bo‘lmagan.
Mavzuga doir:
Izoh (0)