Ijtimoiy tarmoqlarda Qamchiq dovonida 19-dekabr kuni qor yog‘ayotgani aks etgan videolavhalar tarqaldi. Yo‘l harakati xavfsizligi bosh boshqarmasi holatni tasdiqladi.
Qayd etilishicha, Qamchiq dovonidan o‘tgan A-373 avtomobil yo‘lining 228—248-kilometrlari oralig‘ida qor yog‘ishi kuzatilmoqda. YHXBB mazkur yo‘ldan harakatlanib o‘tuvchi haydovchilardan:
- tezlik me’yoriga rioya qilgan holda;
- oraliq masofani saqlab;
- o‘ta ehtiyotkorlik bilan harakatlanishni so‘ragan.
“Zaruratsiz tungi vaqtda dovon yo‘lida harakatlanmaslikni tavsiya qilamiz. O‘zingiz va atrofdagilar salomatligini asrang”, — deyiladi xabarda.
Eslatib o‘tamiz, Qamchiq dovonida so‘nggi marta 25-noyabr kuni qor yog‘ish holati kuzatilgan. YHXBB dovondan o‘tgan avtomobil yo‘lining 228—250-kilometrlarida qor yog‘ishda davom etayotganini bildirib, haydovchilarni ogohlantirgan.
Izoh (0)