Futbol bo‘yicha Angliya chempionatining 18-turidan o‘rin olgan ikki o‘yin 19-dekabr, yakshanba kuni bo‘lib o‘tdi.
“Manchester Siti” safarda “Nyukasl”ga qarshi bahs olib bordi. O‘yin debyutida Ruben Diash hisobni ochgan bo‘lsa, 27-daqiqada Joau Kanselu jamoasining ikkinchi golini urdi. 64-daqiqada Riyod Mahrez hisobni yirik ko‘rinishga olib keldi. Uchrashuv yakunlanishi arafasida Rahim Sterling yakuniy hisobni o‘rnatdi — 0:4.
G‘alabali seriyasini davom ettirayotgan Pep Gvardiola shogirdlari 44 ochko bilan yakka peshqadamlik qilmoqda. “Hakkalar” esa (10 ochko) 19-pog‘onadan joy olgan.
Yana bir o‘yin “Vulverhempton” va “Chelsi” jamoalari o‘rtasida kechdi. Bellashuvda hisob ochilmadi. Qayd etish kerak mazkur bahsga “Chelsi” qator futbolchilarsiz tashrif buyurdi. Jamoada koronavirus keng tarqalgan va Tomas Tuxel o‘yin qaydnomasiga jami 17 nafar futbolchini jalb qila oldi, xolos.
“Chelsi” 38 ochko bilan 3-pog‘onani band etib turibdi. “Bo‘rilar” esa (25) 8-pog‘onada qoldi.
APL
18-tur bahslari
19-dekabr, yakshanba
“Vulverhempton” — “Chelsi” 0:0
“Vulverhempton”: Joze Sa, Huver, Koudi, Saiss, Kilmen, Marsal, Dendonker, Moutinyu, Ruben Nevesh, Podense (Traore, 79), Ximenes.“Chelsi”: Mendi, Jeyms, Aspilikueta, Tiago Silva, Ryudiger, Alonso, Kante, Ziyosh (Kovachich, 65), Chaloba (Saul, 46), Maunt, Pulishich.
Ogohlantirishlar: Chaloba (30), Ryudiger (33).
“Nyukasl” — “Manchester Siti” 0:4
Gollar: 0:1 – 5 Ruben Diash, 0:2 – 27 Joau Kanselu, 0:3 – 63 Mahrez, 0:4 – 86 Sterling.“Nyukasl”: Dubravka, Klark, Lassels, Almiron (Hendrik, 80), Ritchi, Freyzer, Heyden (Longstaff, 61), Uillok (Sen-Maksimen, 46), Myorfi, Uilson, Joelinton.
“Manchester Siti”: Ederson, Joau Kanselu, Lyaport, Ruben Diash (Stounz, 70), Zinchenko, de Bryuyne, Bernardu Silva, Rodri (Fernandinyo, 68), Sterling, Mahrez (Palmer, 77), Gabriel Jezus.
Ogohlantirishlar: Heyden (21), Rodri (25), Bernardu Silva (30).
Izoh (0)