Bugun,

  • USD 11095.31
  • RUB 173.84
  • EUR 10772.44

Navoiyda tabiiy gazdan noqonuniy foydalanib kelgan issiqxonalardan biri aniqlandi. Bu haqda “Hududgaz Navoiy” gaz ta’minoti filiali matbuot xizmati xabar berdi.

Foto: “Hududgaz Navoiy” gaz ta’minoti filiali

Foto: “Hududgaz Navoiy” gaz ta’minoti filiali

Ma’lum qilinishicha, “Hududgaz Navoiy” gaz ta’minoti filialining yuridik shaxslarga tabiiy gazni yetkazib berishni nazorat qilish hamda moddiy resurslardan oqilona foydalanish va Korrupsiyaga qarshi siyosatni amalga oshirish bo‘limlari, shuningdek, “Hududgaz Metrologiya” filiali Navoiy bo‘limi mas’ul xodimlarining iste’molchilarning tabiiy gazdan foydalanish holati bo‘yicha profilaktik tadbirlari davom etmoqda.

Ana shunday tadbirlardan biri 13-dekabr kuni Navoiy shahridagi “NI” MChJga qarashli issiqxonada o‘tkazilgan. Tadbir jarayonida mazkur obyektda tabiiy gaz tarmog‘iga gaz iste’molini hisobga olish pribori o‘rniga o‘zboshimchalik bilan “katushka” (ikki tomoni flyatsli quvur) orqali ulanib, tabiiy gazdan foydalanib kelinayotgani ma’lum bo‘lgan.

Foto: “Hududgaz Navoiy” gaz ta’minoti filiali

Foto: “Hududgaz Navoiy” gaz ta’minoti filiali

Iste’molchi tabiiy gazdan noqonuniy foydalanishi oqibatida ta’minot korxonasi jami 226 million 560 ming so‘m zarar ko‘rgan. Ya’ni isitish mavsumida o‘rtacha 11 300 ta xonadonning bir kunlik iste’moli uchun yetadigan tabiiy gaz hisobga olinmay sarf qilingan.

Ta’kidlanishicha, mazkur holat bo‘yicha barcha hujjatlar huquqni muhofaza qilish organlariga topshiriladi.

Avvalroq Samarqand viloyatidagi gaz zapravka 5,4 mlrd so‘mlik gaz o‘g‘irlagani aniqlangani, Navoiyda ohak ishlab chiqarish korxonasi gazdan noqonuniy foydalanib, 295 mln so‘m zarar yetkazgani to‘g‘risida xabar berilgandi.

Izoh
Asosiy yangiliklar
Dunyo
Global inflyatsiya o‘zining eng yuqori darajasiga yetgan — Financial Times
Madaniyat
Musiqiy chartlarni “portlatgan” albom, 4-farzandini kutayotgan oila va 3-marta turmushga chiqqan Britni Spirs: 2022-yilda Gollivud yulduzlari hayotida sodir bo‘lga...
Dunyo
Global elektron tijorat bozori 2022-yilda 5,8 trln dollarga yetishi kutilmoqda